दिल्ली क्यापिटल्सका फास्ट बलर इशान्त शर्मा आईपीएल २०२० बाट बाहिरीएपछि दिल्लीलाई अर्को झट्का लागेको छ।
“दिल्ली क्यापिटल्सका फास्ट बलर इशान्त शर्माले ७ अक्टोबर २०२० को दिन अभ्यासमा बलिंग गर्ने क्रममा बायाँ करंगमा अत्याधिक दुखाइको अनुभव गरेका थिए। जांच पछि थाहा भएको छ कि उनको अन्तरिक मांसपेशी च्यातिएको छ। यस कारण दुर्भाग्यवस उनि आईपीएल २०२० बाट बाहिरिएका छन्। दिल्ली क्यापिटल्स इशान्तको सिघ्र स्वास्थ्य लाभको कामना गर्दछ।” दिल्लीले बिज्ञप्ति जारि गर्दै बताएको छ।
इशान्त लिगबाट बाहिरिनु टिमको लागि अर्को ठूलो झट्का हो। यस अघि टिमका अर्का अनुभवी स्पिनर अमित मिश्रा पनि औंलाको चोटका कारण लिगबाट बाहिरिएका थिए।
🚨 ANNOUNCEMENT 🚨
An unfortunate oblique muscle tear rules @ImIshant out of #Dream11IPL.
📰 Read more here 👉 https://t.co/oMOJfQZwTr
Everyone at #DelhiCapitals wishes Ishant a speedy recovery.#YehHaiNayiDilli pic.twitter.com/T6oLQmXmrR
— Delhi Capitals (Tweeting from 🇦🇪) (@DelhiCapitals) October 12, 2020
लिगमा इशान्तले सनराइजर्स हैदरावाद बिरुद्ध इशान्तले एउटा खेल मात्र खेलेका थिए जुन खेलमा ३ ओभरमा २६ रन खर्चेर विकेटविहिन रहेका थिए। २००८ को सुरुवाती सिजन देखि लिग खेलीरहेका इशान्तले कुल ९० खेलमा ७१ विकेट लिएका छन्।
दिल्लीका विकेटकिपर ब्याट्सम्यान रिशभ पन्त पनि गत साता घाइते भएका थिए जसपछि मुम्बई बिरुद्ध आइतबारको खेल खेलेका थिएनन्। पन्तको स्थानमा एलेक्स केरीले मौका पाएका थिए। कप्तान श्रेयस ऐयरका अनुसार पन्त अझै १ साता खेल्न सक्नेछैनन्। यस्तै लिग अन्तर्गत यस अघि अफ स्पिनर रभीचन्द्रन आश्विन पनि पहिलो खेलमा घाइते भएपछि २ खेल गुमाएका थिए जसले पुनः कमब्याक गरिसकेका छन्।
इशान्तको अनुपस्थितिमा दिल्लीले अर्का भारतीय दायाँ हाते फास्ट बलर हर्षल पटेललाई मौका दिईरहेको छ। इशान्त र मिश्राको स्थानमा दिल्लीले प्रतिस्थापन गर्ने खेलाडीको नाम घोषणा गरेको छैन।
घाइते भएर लिग गुमाउने इशान्त पाँचौ खेलाडी हुन्। यस अघि दिल्लीकै अमित मिश्रा, हैदरावादका खेलाडी शन मार्श र भुवनेश्वर कुमार तथा कोलकाताका खेलाडी अलि खान पनि लिगबाट बाहिरिएका छन्।
लिगमा उत्कृस्ट प्रदर्शन गरिरहेको दिल्ली ७ खेलमा ५ जित र २ हार पछि १० अंक बटुल्दै अंकतालिकामा दोश्रो स्थानमा रहेको छ। टिमले आगामी खेल बुधबार राजस्थान रोयल्स बिरुद्ध खेल्ने तालिका रहेको छ।
आइपिएलमा सट्टेबाजी खेलाउने ३ भारतीय सहित ७ जना पक्राउ
IPL : ताजा अंकतालिका, अरेन्ज र पर्पल क्यापमा को-को छन् अघि
सिद्धार्थ रङ्गशाला १० वर्षमा १० प्रतिशत काम
IPL : हैदरावादसंग खेलपछि तेवतियाले कसलाई ठड्याए औंला, जान्नुस विवादको कारण
छक्का हान्दै राजस्थानलाई जिताएपछि परागको रोचक नृत्य, खेलपछि बताए रहस्य
