इंग्ल्याण्डमा जारि १२ औं संस्करणको विश्वकप क्रिकेट अन्तर्गत आइतबार सम्पन्न खेलमा भारतसँग डिएलएस मेथडको आधारमा ८९ रनले पराजित भएपछी पाकिस्तानका पुर्व कप्तान सोहेब अख्तरले पाकिस्तान टिम र कप्तानको कडा आलोचना गरेका छन्।
अख्तरले खेलमा टस जितेर भारतलाई पहिले ब्याटिंग गर्न दिनुनै पाकिस्तानको हारको सुरुवात भएको दावी गर्दै कप्तान सरफराज एहमदलाई दिमाग नभएको कप्तान र टिम व्यवस्थापनलाई समेत कसरि खेल्ने अनविज्ञ रहेको बताएका हुन्-
“इतिहासलाई उठाएर हेर्दा पाकिस्तानले कहिले पनि लक्ष्य पछ्याउन सक्दैन र पनि यहि गल्ति दोहोर्याउन खोजिन्छ, किन?” उनले भने।
४३ बर्षीय अख्तरले सन् २०१७ मा इंग्ल्याण्डमा नै आयोजना भएको च्याम्पियन्स ट्रफी फाइनल स्मरण गर्दै त्यहाँको खेलबाट टिमले सिक्न नसकेको बताए-
“च्याम्पियन्स ट्रफीमा भारतले गरेको गल्ति पाकिस्तानले यहाँ गर्यो। त्यहाँ भारतले टस जितेर पहिले बलिंग गरेको थियो। हाम्रो इतिहास नै टोटल चेज गर्ने छैन।” उक्त प्रतियोगिताको फाइनलमा पाकिस्तानले भारतलाई पराजित गर्दै उपाधी जितेको थियो।
अर्कोतर्फ कप्तान सरफराज अहमदले भने टस जितेर पहिले बलिंग गर्ने आफ्नो निर्णय सहि भएको र हार पछी धेरै प्रश्नहरु उठ्नु सामान्य कुरा रहेको बताएका छन्। खेलपछी पोस्ट म्याच इन्टरभिउमा उनले विराट कोहलीले समेत टसमा आफुले पहिले बलिंग गर्न चाहेको कुरालाई आधार बनाए।
त्यस्तै पाकिस्तानका वर्तमान प्रधानमन्त्री तथा सन् १९९२ को विश्वकप बिजेता टिमका कप्तान इमरान खानले टस सुरु हुनुअघाडी नै पाकिस्तानले टस जितेर पहिले ब्याटिंग गर्नुपर्ने बताएका थिए।
4/5 1. In order ro have a winning offensive strategy Sarfaraz must go in with specialist batsmen and bowlers because “Raillu Kattas” rarely perform under pressure – especially the intense kind that will be generated today. 2. Unless pitch is damp, Sarfaraz must win the toss & bat
— Imran Khan (@ImranKhanPTI) June 16, 2019
विश्व क्रिकेटका सबैभन्दा तिब्र गतिका बलर तथा २२४ अन्तर्राष्ट्रिय खेलको अनुभव भएका अख्तरले यदि पाकिस्तान जितको लागि खेलेको भए पहिले ब्याटिंग गर्दा थप एक ब्याट्सम्यान खेलाउनु पर्ने बताए। पाकिस्तान खेलमा मात्र ५ ब्याट्सम्यान र ६ बलर सहित उत्रिएको थियो। यस्तै अनुभवको आधारमा सधै सोएब मल्लिखलाई टिममा राख्न नहुने समेत धारणा प्रस्तुत गरे।
पाकिस्तानले जारि विश्वकपमा ५ खेल मध्ये १ खेलमा जित र १ मा बर्षाले रद्द भएपछी ३ अंकसहित अंकतालिकामा पुछारबाट दोश्रो स्थानमा छ। उसलाई सेमिफाइनलको सम्भावना बाँकी राख्न अबका सबै खेल जित्नैपर्ने हुन्छ।
