Sudurpaschim Province vs Gandaki Province Live



क्यान निलम्बन भए जिम्मेवारी कसको? क्यान महासचिबलाई लामिछानेको प्रश्नको झटारो ! ( भिडियो सहित )

  • विकेटनेपाल, २० पौष- शुक्रवार

बिगत लामो समयदेखि बिवादको बिषय बन्दै आएको नेपाल क्रिकेट संघ (क्यान) को समस्याले यसपटक न्यूज २४ टेलिभिजन को चर्चित कार्यक्रम “सिधा कुरा जनतासंग” मा पनि स्थान पाएको छ।

बिहिवार बेलुकी प्रसारित कार्यक्रमको १६७ औं अंकमा नेपाल क्रिकेट संघको बिध्यमान समस्याका बिषयमा चर्चा भयो।

आर्थिक पारदर्शिताको अभाव, आपसी विवाद र सरकारको हस्तक्षेप आदि जस्ता कारण देखाउंदै अन्तराष्ट्रिय क्रिकेट संगठन (आईसीसी) ले नेपाल क्रिकेट संघलाई गत बर्षको बैशाखमा निलम्बन गरेको थियो। त्यसयता लगातार रुपमा नेपाली क्रिकेटमाथि कडा नजर राख्दै आएको आईसीसीले केहि समय अघि निलम्बित क्यानलाई पत्र काट्दै समयमै समस्या हाल नभए क्रिकेट संघ खारेज सम्म हुनसक्ने चेतावनी समेत दिएको थियो

पछिल्लो समय निकै लोकप्रिय कार्यक्रम “सिधा कुरा जनतासंग” मा नेपाल क्रिकेट संघ क्यानको बिवादको बिषय उठाउँदै गर्दा कार्यक्रम प्रस्तोता लामिछाने आक्रोशित देखिएका थिए। क्यानको बिवाद र आईसीसीले लगाएको निलम्बनको बिषयमा तयार पारिएको सामाग्री प्रस्तुत गरेपछि क्यानका महासचिब अशोकनाथ प्याकुरेलसंग फोन मार्फत कुराकानी गरिएको थियो।

कडा शैली र तिखा प्रश्नका लागि चिनिने पत्रकार लामिछानेले क्यानको बिषयमा अशोकनाथ प्याकुरेललाई राखेका प्रश्नपनि सामान्य थिएनन्। यदि आईसीसीले नेपाल क्रिकेट संघलाई निलम्बन गरेमा र नेपालले अन्तर्राष्ट्रिय प्रतियोगितामा सहभागी हुन पाएन भने त्यसको जिम्मेवारी कसले लिन्छ भन्ने लामिछानेको प्रश्नमा प्याकुरेलले स्पस्ट जवाफ दिनसकेनन्।

कुराकानीको अधिकतम समय प्याकुरेलमाथि दवाब बनाएका पत्रकार लामिछानेले “गत डिसेम्बरमा आईसीसीले पठाएको पत्रमा के सोधिएको थियो?” भन्ने प्रश्न गर्दा प्याकुरेलले भने- “आईसीसीले नेपाल क्रिकेट संघलाई निलम्बन गर्दा जुन कारण भनेको थियो त्यहि कुराको बर्तमान अवस्था बुझ्ने पत्र थियो”

कतै क्यानको लुछाचुँडी र आन्तरिक विवादकै कारणले आईसीसीले नेपाल क्रिकेट संघलाई खारजे त गर्दैन?” भन्ने प्रश्नको जवाफमा प्याकुरेलले यस्तो जवाफ दिए-

” नेपालसंग क्षमता छ र हाम्रो प्रदर्शनकै कारणले पनि आईसीसीले त्यस्तो निर्णय नलिएला तर हामीले बैधानिक रुपमा अघि भने बढ्नुपर्छ।”

क्यानको विवादको कुरा उठाई रहंदा अधिकतम समय खेलाडी र समर्थकको प्रसंशा गरेका लामिछानेले यो बिषयलाई आउने दिनमा पनि फलो-अप गर्दै जाने प्रतिबद्धता ब्यक्त गरेका थिए।

के हो त नेपाली क्रिकेटको बर्तमान समस्या ?

आर्थिक अपारदर्शिताको , सरकारी हस्तक्षेप. आपसी विवाद जस्ता कारणले आईसीसीले नेपाल क्रिकेट संघलाई गत बर्ष बैशाखमा निलम्बन गरेको थियो। त्यसयता आईसीसीले क्यानको सबै आर्थिक कारोवारमा बन्देज लगाएको छ। नेपाली क्रिकेट आफै सम्हाल्दै आएको आईसीसीले केहि समय अघि निर्वाचित नेपाल क्रिकेट संघ (क्यान) लाई पत्र लेख्दै डिसेम्बर २२ सम्म क्यान पुनर्बहालीबारे सन्तोषजनक कारण देखाउन आदेश दिएको थियो।

यसअघि गत भदौमा सम्पन्न क्यानको साधरण सभाले संसोधन सहित क्रिकेट संघको बिधान पारित गरेको थियो जसलाई राष्ट्रिय खेलकुद परिषद (राखेप) ले स्वीकृति दिएको थियो। त्यसकै आधारमा क्यानले ३९ मध्ये ३७ जिल्लामा निर्वाचन समेत समपन्न गर्यो। तर गत कार्तिकमा आईसीसीले क्यानको बिधान संसोधन सहमति बिपरित भएको बताउंदै निर्वाचनलाई अनुचित घोषणा गर्यो।

को हुन रबि लामिछाने ?

सन्ल २०१३ मा लगातार ६२ घण्टा लगातार लिंदै गिनिज बुकमा नाम लेखाएका रबि लामिछाने न्यूज २४ टेलिभिजनको लोकप्रिय कार्यक्रम “सिधा कुरा जनता संग” बाट पछिल्लो समय चर्चामा आएका पत्रकार हुन्। सर्वसाधारण जनताको समस्यालाई उठाएर समाधानसम्म पुर्याउनको लागि कार्यक्रम “सिधा कुरा जनतासंग” र पत्रकार रबि लामिछाने चिनिने गर्छन्। पछिल्लो समयमा मानव बेचबिखन जस्तो जटिल समस्यालाई पनि सहजै समाधान गर्दै दोषीलाई कारवाहीको कठघरासम्म पुर्याएका लामिछानेले नेपाली क्रिकेटको समस्यालाई कसरी अघि बढाउछन् त्यो भने समयलेनै बताउने छ।

हेर्नुस कार्यक्रमको भिडियो 





थप समाचार

लिग-२ : स्कटल्याण्डलाई हराउदै तेश्रो स्थानमा उक्लियो नामिबिया

नामिबियामा जारि आईसीसी विश्वकप लिग-२ अन्तर्गतको चौंथो खेलमा नामिबियाले स्कटल्याण्डलाई ३ विकेटले पराजित गरेको छ। युनाइटेड क्रिकेट क्लब मैदान विन्ढोकमा […]

मिलन चम्किंदा, सुदूरपश्चिम बन्यो यु-१९ राष्ट्रिय च्याम्पियन

डिफेन्डिङ च्याम्पियन लुम्बिनी प्रदेशलाई पराजित गर्दै सुदूरपश्चिम प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। गत वर्ष लुम्बिनी प्रदेशले सुदूरपश्चिमलाई […]

नेपाललाई ३ विकेटले पराजित गर्दै स्कटल्याण्ड लिग-२ को शिर्षमा

आईसीसी विश्वकप लिग-२ अन्तर्गत नामिबियामा जारि त्रिकोणात्मक एकदिवसीय अन्तर्राष्ट्रिय सिरिज अन्तर्गत आफ्नो दोश्रो खेलमा नेपाल स्कटल्याण्डसंग ३ विकेटले पराजित भएको […]

स्कटल्याण्डसंग चलेन नेपालको ब्याटिंग, १३७ रनमै सिमित

आईसीसी विश्वकप लिग-२ अन्तर्गत नामिबियामा जारि त्रिकोणात्मक सिरिजमा आफ्नो दोश्रो खेलमा नेपाल र स्कटल्याण्ड प्रतिस्पर्धा गर्दैछन्। खेलमा टस हारेर ब्याटिंग […]

नेत्रहीन टी–२० विश्वकपमा सहभागी हुने नेपाली टिमको विदाइ

तेश्रो नेत्रहीन टी– २० क्रिेकट विश्व कपमा नेपालले सहभागिता जनाउने भएको छ । डिसेम्बर ५ देखि १८ तारिखसम्म हुने प्रतियोगिताका […]

U19 National : लुम्बिनी र सुदूरपश्चिम फाइनलमा

लगातार दोश्रो वर्ष अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेशले प्रतिस्पर्धा गर्ने भएका छन्। प्रतियोगिताको लिग चरणको […]