टि-२० विश्वकप : जिम्बाब्वेको जितमा सिकन्दर उत्कृस्ट

आयरल्याण्डलाई ३१ रनले पराजित गर्दै जिम्बाब्वेले अस्ट्रेलियामा जारि टि-ट्वान्टी विश्वकपको पहिलो चरणमा विजयी सुरुवात गरेको छ।

समुह ‘बि’ अन्तर्गतको होबर्टमा सम्पन्न खेलमा जिम्बाब्वेले ३१ रनको जित दर्ता गरेको हो जुन क्रममा १७५ रनको लक्ष्य पछ्याएको आयरल्याण्डले पुरै २० ओभर ब्याटिंग गरेता पनि ९ विकेट गुमाएर १४३ रन मात्र बनायो।

लक्ष्य पछ्याउने क्रममा पहिलो ४ विकेट २२ रनमै गुमाएको आयरल्याण्डलाई जिम्बाब्वेले निरन्तर दबाबमा राख्यो। मध्यक्रमका ब्याट्सम्यानहरु कर्टिस क्याम्फरले २७, जर्ज डकरेल र गेरेथ डेलानले २४/२४ रन तथा अन्तिममा ब्यारी म्याकर्थीले अविजित २२ रन बनाएता पनि जित्न पर्याप्त रहेन। क्याम्फर र डकरेल बीचको ४२ रनको साझेदारी सर्वाधिक रहयो।

जिम्बाब्वेको बलिंगमा ब्लेसिंग मुजराबानिले ३ विकेट लिंदा रिचार्ड नगरभा र टेन्डाई चतरले २/२ विकेट लिए। सिङ विलियम्स र सिकन्दर राजाले १/१ विकेट लिए।

टस हारेर ब्याटिंग गरेको जिम्बाब्वेले २० ओभरमा ७ विकेट क्षेतीमा १७४ रन बनायो। उसको लागि पाँचौ नम्बरमा ब्याटिंग गरेका सिकन्दर राजाले सर्वाधिक ८२ रन बनाए। ४८ बलमा राजाले ५ चौका र ५ छक्का प्रहार गरे। वेसले मधिभिरेले २२, लुक जोंग्वेले अविजित २० रन बनाए। ३७ रनमा ३ को अवस्थामा क्रिजमा आएका राजाले अन्तिम बलसम्म ब्याटिंग गरे। पाँचौ विकेटको लागि राजा र मिल्टन शुबाले ५८ रनको साझेदारी गरे।

आयरल्याण्ड बलर जोश लिटलले ३ विकेट लिंदा मार्क अडेर  र सिमि सिंहले २/२ विकेट लिए।

प्रतियोगिता अन्तर्गत आजको पहिलो खेलमा स्कटल्याण्डले वेस्टइन्डिज बिरुद्ध ऐतिहासिक जित दर्ता गरेको थियो।

विश्वकप अन्तर्गत तेश्रो दिन मंगलबार पनि दुई खेल हुनेछन्। पहिलो खेलमा बिहान ९:४५ बजे नामिबिया र नेदरल्याण्ड तथा दोश्रो खेलमा दिउँसो १:४५ बजे श्रीलंका र युएईले प्रतिस्पर्धा गर्नेछन्।

विश्वकपको पहिलो चरणमा ८ टिमलाई दुई वटा समुहमा बिभाजन गरिएको छ। समुह ‘ए’ मा नेदरल्याण्ड, युएई, नामिबिया र श्रीलंका छन् भने समुह ‘बि’ मा वेस्टइन्डिज, जिम्बाब्वे, आयरल्याण्ड र स्कटल्याण्ड छन्। समुह चरणमा सबै टिमले एक-अर्का बिरुद्ध १/१ खेल खेलेपछि दुवै समूहको उत्कृस्ट दुई टिम सुपर -१२ चरण प्रवेश गर्नेछन्।





थप समाचार

मुम्बईमाथि लखनाउको जित

काठमाडौं । १७ औं संस्करणको इन्डियन प्रिमियर (आइपीएल) को ६७ औं खेलमा मुम्बई इन्डियन्सलाई लखनाउ सुपर जायन्ट्सले पराजित गरेको छ […]

बागमतीलाई सानदार रुपमा हराउदै सुदुरपश्चिम फाइनलमा

काठमाडौं । सम्झना खड्काको शानदार ब्याटिङको सहयोगमा बागमती प्रदेशलाई शानदार रुपमा पराजित गर्दै जारी ललितपुर मेयर्स कपको फाइनलमा स्थान बनाएको […]

विश्वकपमा टस नजितेको नेपाल…

काठमाडौं । नेपालले आगामी जुन २ बाट अमेरिका र वेस्ट इन्डिजमा संयुक्त रुपमा आयोजना हुने नवौं संस्करणको टी-२० विश्वकपमा सहभागीता […]

टी-१० को लाइभ मकालु टिभीमा हुने

काठमाडौं । विराटनगरमा आयोजना हुने नेपाल टी-१० प्रतियोगिताको प्रत्यक्ष प्रशारणको अधिकार मकालु टेलिभिजनले लिएको छ । विराटनगर महानगरपालीकाको आयोजनामा हुने […]

नेपालले अमेरिका र क्यानडासँग वार्मअप खेल्ने

काठमाडौं । आगामी महिना वेस्ट इन्डिज र अमेरिकामा आयोजना हुने टी-२० विश्वकपको वार्मअप खेलको खेल तालिका प्रकाशन भएको छ । […]

नेपालको लगातार दोस्रो जित, एक खेल अगाबै सिरिज

काठमाडौं । विश्वकपको तयारीका लागि वेस्ट इन्डिजमा रहेको नेपाली टोलीले विन्डवर्ड्स भोलक्यान्सविरुद्धको दोस्रो अभ्यास खेलमा पनि जित हात पारेको छ […]