नेपाली राष्ट्रिय क्रिकेट टिमकी उपकप्तान सिता राना मगर आईसीसी टि-ट्वान्टी विश्वकप छनोट ( एसिया क्षेत्र ) प्रतियोगिताको उत्कृस्ट खेलाडी घोषित भएकी छिन्।
देब्रे हाते ओपनिंग ब्याटर तथा देब्रे हाते स्पिनर सिताले प्रतियोगितामा ५ खेलमा १०० रन बनाउनुको साथै ६ विकेट समेत हात पारिन्।
प्रतियोगितामा सिताले पहिलो खेलमा हंगकंगसंग अविजित ४० रन, दोश्रो खेलमा भुटानसंग १७ रन, तेश्रो खेलमा कुवेतसंग ० रन, चौंथो खेलमा मलेसियासंग ३० रन तथा पाँचौ खेलमा युएईसंग १३ रन प्रहार गरेकी थिईन्। भुटानसंग ३ विकेट लिंदा युएई, मलेसिया र हंगकंगसंग समान एक विकेट लिएकी थिईन्।
प्रतियोगितामा नेपाल हंगकंग र आयोजक युएईसंग पराजित हुँदै ६ अंक सहित अंकतालिकाको तेश्रो स्थानमा रहंदा टि-२० विश्वकप ग्लोबल छनोटमा छनोट हुन असफल रह्यो। प्रतियोगिताको सबै ५ खेल जित्दै युएई ग्लोबल छनोट खेल्न छनोट भयो। ८ अंक सहित हंगकंग दोश्रो स्थानमा रह्यो।
