काठमाडौं । महिला टी-२० अलराउन्डर वरीयतामा नेपालकी सीता रानामगरले १५ स्थान सुधार गरेकी छिन् ।
अन्तर्राष्ट्रिय क्रिकेट परिषद् (आइसीसी) ले सार्वजनिक गरेको नयाँ वरीयतामा सीता १५ स्थान सुधार गर्दै ५८ औं स्थानमा पुगेकी छिन् ।
अलराउन्डर तर्फ नै कप्तान इन्दु बर्मा १२ स्थान सुधार गर्दै ६६ औं र रुबिना क्षेत्री ६ स्थान सुधार गर्दै ४८ औं स्थानमा छिन् ।
अलराउन्डर तर्फ वेस्ट इन्डिजकी हाइली म्याथ्युज वरीयताको शीर्ष स्थानमा कायम छिन् ।
ब्याटिङतर्फ पनि सीता एक स्थान सुधार गर्दै ८२ औं र रुबिना तीन स्थान झर्दै ८६ औं स्थानमा छन् ।
वरीयताको शीर्ष स्थानमा अस्ट्रेलियाकी बेथ मोनी कायम छिन् । बलिङतर्फ भने नेपालका कुनै पनि खेलाडी शीर्ष १०० भित्र छैनन् ।
