आईपीएल टिम मुम्बई इन्डीयन्सका कप्तान रोहित शर्मालाई दिल्ली क्यापिटल्ससंग मंगलबार राति सम्पन्न खेलमा ‘स्लो ओभर रेट’ कायम गरेकाका कारण १२ लाख भारतीय रुपैयाँ जरिवाना गरिएको छ। जारि सिजन रहितले पहिलो पटक यस्तो सजाय भोगेका हुन्।
चेन्नाई सुपर किंग्सका कप्तान महेन्द्र सिंह धोनी पछि यस्तो कारवाही भोग्ने रोहित जारि सिजन दोश्रो कप्तान भएका छन्।
आईपीएलको गाइडलाइनका अनुसार पहिलो पटक ‘स्लो ओभर रेट’ मा कारवाहीमा परे १२ लाख भारु जरिवाना तिर्नुपर्छ भने दोश्रो पटक भए दोब्बर २४ लाख भारु तिर्नुपर्ने हुन्छ। यस्तै कप्तान बाहेक टिमको अन्तिम-११ मा भएका अन्य सदस्यहरुले समेत म्याच फिको २५ प्रतिशत जरिवाना तिर्नु पर्नेहुन्छ। तेश्रो पटकको गल्तिमा कप्तान एउटा खेलको लागि प्रतिबन्धमा पर्छ भने ३० लाख भारु जरिवाना तिर्नु पर्छ।
आईपीएलको कोड अफ काण्डक्टका अनुसार कप्तानले अन्य तरिकाले बाधा नआएको खेलमा कम्तिमा १ घण्टामा १४.१ ओभर बलिंग गरिसकेको हुनुपर्छ जसमा टाईम आउटको समय जोडीदैन। टिमले ९० मिनेटमा २० ओभरको कोटा समाप्त गर्नुपर्ने हुन्छ। गत सिजन खेलहरु निर्धारित समय भन्दा ढिला सकिएकोले आईपीएल आयोजकले ओभर रेटको कडा नियम लागु गरेको हो।
मंगलार राति सम्पन्न खेलमा दिल्लीले डिफेन्डिङ च्याम्पियन मुम्बईलाई ६ विकेटले पराजित गर्ने क्रममा मुम्बईले दिएको १३८ रनको लक्ष्य ५ बल बाँकी रहँदै पुरा गरेको थियो। २०१९ पछि मुम्बई बिरुद्ध दिल्लीको यो पहिलो जित हो।
लिग अन्तर्गत बुधबार दुईवटा खेल हुँदैछन्। दिउसो ३ :४५ बजे पन्जाब किंग्स र सनराइजर्स हैदरावाद तथा बेलुका ७:४५ बजे कोलकाता नाइट राइडर्स र चेन्नाई सुपर किंग्स प्रतिस्पर्धा गर्नेछन्।
यो पनि पढ्नुस
https://wicketnepal.com/ipl-14-m13th-rep-wn21/
https://wicketnepal.com/nep-netherlands-6-rec-wn21/
