- विकेटनेपाल, १४ असार, राजबिराज ।
सप्तरीको राजविराजमा जारि सप्तरी महिला प्रिमियर लिग टि-२० अन्तर्गत दोश्रो दिन सम्पन्न रोमान्चक खेलमा खडकले राजबिराज सिस्का एन्जलसलाई ७ रनले पराजित गरेको छ।
टस जितेर पहिलो ब्याटिंग गर्ने निर्णय गरेको खडकले निर्धारित २० ओभरमा ५ विकेट नोक्सानीमा १ सय १० रनको योगफल तयार पारेको थियो। खडकका लागि कप्तान सरस्वती चौधरीले ५३ बलमा ३ चौक्काको मद्धतले ३६ रन, काजल श्रेष्ठले २४ बलमा २ चौक्काको मद्धतले २० रन तथा कविता गौतमले १८ रनको योगदान दिएका थिए।
बलिंगतर्फ राजबिराज सिस्का एन्जलका तर्फबाट सबनम राईले ४ ओभरमा २० रन दिई २ बिकेट तथा नेरि थापा, सम्झना खडका र अस्मीना कर्मचार्यले सामान १ बिकेट लिए।
१ सय ११ रनको लक्ष्य लिई मैदानमा ओर्लेको राजबिराज सिस्का जाईन्स एक समय १७ ओभरमा ५ विकेटको नोक्सानीमा ९४ रन बनाईसकेको थियो तर थप ९ रन जोड्दा उसले बाँकी ५ विकेट गुमाउन पुग्यो ।
राजबिराज सिस्काका लागि कप्तान नेरि थापाले उत्कृष्ट पारि खेल्दै ६ चौका मदतले ४९ रन बनाए पनि टिमलाई जित भने दिलाउन सकिनन्। कविता जोशीले २७ रन बनाइन् । नेरी र कविता बीच बिच चौथो विकेटको लागि ६० रनको साझेदारी भएको थियो। अन्य खेलाडिमा सरिता मगर १२ बाहेक कसैले दोहोरो अंक छुन सकेका थिएनन्।
बलिंगतर्फ खडकका कविता गौतमले घातक बलिंग गर्दै ४ ओभरको आफनो स्पेलमा १८ रन दिई ४ महत्वपुर्ण ४ विकेट लिईन् । कविता बाहेक सन्तोषि चौधरी, सरस्वती चौधरी र रश्मी शर्माले सामान १ विकेट लिए ।
खेलको प्लेयर अफ द म्याच खडकका कविता गौतम घोसित भए ।
खडक नगरपालिका, सुरुंगा नगरपालिकाको सहयोग तथा सेभ द चिल्ड्रेन र सप्तरी क्रिकेट संघ संगको सहकार्यमा सबल नेपालद्धारा संचालित प्रतियोगिताको विजेताले ५५ हजार रुपैयाँ तथा उपविजेताले ३१ हजार रुपैयाँ प्राप्त गर्नेछन्। यस्तै उत्कृस्ट खेलाडीले १० हजार रुपैयाँ प्राप्त गर्नेछन्।
