Sudurpaschim Province vs Gandaki Province Live



सोमपाल कामीको बिष्फोटक इनिंगमा टिम चौराहा धनगढीको रोमान्चक जित

Sompal Kami

विकेटनेपाल – १९ चैत्र, सोमबार | धनगढी प्रिमियर लिग अन्तर्गत तेस्रो दिनको पहिलो खेलमा टिम चौराहा धनगढीले जित दर्ता गरेको छ । धनगढीले दिनको पहिलो खेलमा सिवाइसी अत्तरियालाई ३ विकेटले पराजित गर्यो ।

टस जित्दै चौराहाले पहिले बलिंग गर्ने निर्णय लिएपछि ब्याटिंगमा उत्रिएको सिवाइसी अत्तरियाले निर्धारित २० ओभरमा ८ विकेट गुमाएर १५० रन जोडेको थियो । उसको इनिंगमा भिपिन चन्द्र र प्रेम तामांगले समान सर्वाधिक २८-२८ रन जोडेका थिए । मात्र २० बल खेलेका चन्द्रले १ चौका र त्यति नै छक्का प्रहार गरेका थिए । यस्तै २९ बल खेलेका प्रेम तामांगले २ छक्काको सहयोगमा २८ रन जोडेका थिए । सिवाइसीको ब्याटिंगमा कुशल भुर्तेलले २५ तथा दिपेन्द्रसिंह ऐरीले १९ रनको योगदान गरेका थिए ।

टिम चौराह धनगढीको बलिंगमा ललित भण्डारीले सर्वाधिक ३ विकेट चट्काएका थिए । उनले ४ ओभरमा २४ रन खर्चेर ३ विकेट लिएका थिए । यस्तै रोहन मुस्तफाको नाममा २ विकेट रहेको थियो ।

टिम चौराहा धनगढी

जवाफमा १५१ रनको विजय लक्ष्य लिएर मैदान उत्रिएको टिम चौराहा धनगढीले खराब सुरुवात गर्यो । सन्दिप जोराको उर्जाशील फिल्डिंगको नतिजा स्वरूप चौराहाले पहिलो विकेट रन आउटको माध्यमबाट गुमाएको थियो । ओपनर सुनिल धमला व्यक्तिगत ६ रनको योगफलमा रन आउट हुनपुगे । त्यस्तै अर्का ओपनर अस्फाक अहमद समेत मात्र १० रनको स्कोरमा बिनोद लामाको बलमा कुशल भुर्तेलबाट समातिन पुगे । ५ नम्बरमा ब्याटिंग गरेका राजु रिजाल समेत क्रिजमा धेरै समय टिक्न सकेनन् । पहिलो ४ विकेट चाडैं गुमाएको धनगढीको इनिंगलाई राजेश पुलामी र रोहन मुस्तफाको साझेदारीले उकास्ने प्रयास गरेको थियो । तर व्यक्तिगत ४० रनको स्कोरमा रोहन मुस्तफा आउट भएसंगै टिम चौराहा धनगढीको चेज समस्यामा थियो ।

Sompal Kami
Man Of The Match : Sompal Kami

त्यसपश्चात ब्याटिंग गर्न आएका सोमपाल कामीले विस्फोटक ब्याटिंग गर्दै मात्र १५ बलमा ३८ रन जोडेपछि चौराहाले खेल सकिन ४ बल बाकीं छंदा जित दर्ता गर्यो । सोमपाल खेलको म्यान अफ दि म्याच समेत घोसित भए ।

सिवाइसीको बलिंगमा दिपेन्द्र ऐरीले २ तथा बिनोद लामा र भिपिन चन्द्रले सामन १-१ विकेट लिए । आज हुने दोस्रो खेलमा काठमाडौं गोल्डेन्सले रुपन्देही च्यालेंजर्सको सामना गर्दैछ।





थप समाचार

लिग-२ : स्कटल्याण्डलाई हराउदै तेश्रो स्थानमा उक्लियो नामिबिया

नामिबियामा जारि आईसीसी विश्वकप लिग-२ अन्तर्गतको चौंथो खेलमा नामिबियाले स्कटल्याण्डलाई ३ विकेटले पराजित गरेको छ। युनाइटेड क्रिकेट क्लब मैदान विन्ढोकमा […]

मिलन चम्किंदा, सुदूरपश्चिम बन्यो यु-१९ राष्ट्रिय च्याम्पियन

डिफेन्डिङ च्याम्पियन लुम्बिनी प्रदेशलाई पराजित गर्दै सुदूरपश्चिम प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। गत वर्ष लुम्बिनी प्रदेशले सुदूरपश्चिमलाई […]

नेपाललाई ३ विकेटले पराजित गर्दै स्कटल्याण्ड लिग-२ को शिर्षमा

आईसीसी विश्वकप लिग-२ अन्तर्गत नामिबियामा जारि त्रिकोणात्मक एकदिवसीय अन्तर्राष्ट्रिय सिरिज अन्तर्गत आफ्नो दोश्रो खेलमा नेपाल स्कटल्याण्डसंग ३ विकेटले पराजित भएको […]

स्कटल्याण्डसंग चलेन नेपालको ब्याटिंग, १३७ रनमै सिमित

आईसीसी विश्वकप लिग-२ अन्तर्गत नामिबियामा जारि त्रिकोणात्मक सिरिजमा आफ्नो दोश्रो खेलमा नेपाल र स्कटल्याण्ड प्रतिस्पर्धा गर्दैछन्। खेलमा टस हारेर ब्याटिंग […]

नेत्रहीन टी–२० विश्वकपमा सहभागी हुने नेपाली टिमको विदाइ

तेश्रो नेत्रहीन टी– २० क्रिेकट विश्व कपमा नेपालले सहभागिता जनाउने भएको छ । डिसेम्बर ५ देखि १८ तारिखसम्म हुने प्रतियोगिताका […]

U19 National : लुम्बिनी र सुदूरपश्चिम फाइनलमा

लगातार दोश्रो वर्ष अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेशले प्रतिस्पर्धा गर्ने भएका छन्। प्रतियोगिताको लिग चरणको […]