- विकेटनेपाल, २८ माघ- आइतबार
सोमपाल कामि र करन केसीले युएईको माथिल्लो क्रम ध्वस्त पारेपछि आईसीसी बिश्व क्रिकेट लिग अन्तर्गत तेश्रो खेलमा नेपालले शानदार सुरुवात गरेको छ।
प्रतियोगितामा नेपालले यस अघि खेलेको २ मध्ये १ खेलमा नामिबियालाई १ विकेटले पराजित गरेको थियो भने दोश्रो खेलमा ओमानसंग ६ विकेटको हार बेहोरीसकेको छ।
वर्षाको कारण युनाइटेड क्रिकेट क्लब मैदान, विन्ढोकमा निर्धारित समय भन्दा ३ घण्टा सुरु भएको खेलमा नेपालले टस जितेर युएईलाई ब्याटिंग गर्न निम्त्याएको थियो।
३४ ओभरको इनिंगमा छोट्याएर खेलाईएको खेलको पहिलो ओभरमै सोमपाल कामिले युएई ओपनर अस्फाक अहमदलाई खाता नखोल्दै पेभेलियन फर्काएका थिए। त्यसपछि सातौँ ओभरमा सोमपाललेनै १६ रन बनाएर ब्याटिंग गरिरहेका घुलाम शब्बिरलाई शरद भेसावकरको हातबाट क्याच आउट गराएका थिए।
२५ रनको स्कोरमा २ विकेट गुमाएको युएईले लगत्तै ओभरमा सोहि योगफलमै कप्तान रोहन मुस्तफा ( ७ रन ) लाई पनि गुमाएपछि ७.१ ओभरमा युएईको स्कोर २५/३ पुग्यो। मुस्तफालाई करन केसीले आउट गर्ने क्रममा प्रतियोगितामै विकेटको खाता पनि खोले।
यो समाचार तयार पार्दासम्म युएईले १५ ओभरमा ४५ रन बनाएर ३ विकेट गुमाएको छ।
सोमपालले ५ ओभरमा २३ रन खर्चेर २ विकेट तथा करनले ४ ओभरमा ११ रन खर्चेर १ विकेट हात पारेका छन्। ३ ओभर बलिंग गरेका पारसले २ ओभर मेडन सहित मात्र २ रन खर्चेका छन् भने आरिफ शेखले ३ ओभरमा ९ रन खर्चेका छन्।
हाल क्रिजमा चौथो नम्बरका रामिज शाहजाद र शैमन अन्वर ब्याटिंग गरिरहेका छन्।
प्रत्यक्ष अपडेटको लागि क्लिक गर्नुस
