सोनु देवकोटा चम्कदा काठमाडौं मेयर्स कपमा बागमतीको पहिलो जित

काठमाडौंमा जारि काठमाडौं मेयर्स कप अन्तर्गत मंगलबार सम्पन्न चौथौं दिनको खेलमा बागमती प्रदेशले विभागीय टोलि एपीएफलाई २७ रनले पराजित गर्दै प्रतियोगितामा पहिलो जित दर्ता गरेको छ।

यसअघि बागमती आफ्नो पहिलो खेलमा काठमाडौँ मेयर्स-११ तथा दोस्रो खेलमा नेपाल पुलिस क्लबसंग पराजित भएको थियो। यस्तै सुरुवाती दुवै खेलमा जित दर्ता गरेको एपीएफले प्रतियोगितामा पहिलो हार बेहोरेको छ।

कीर्तिपुरस्थित टीयू क्रिकेट मैदानमा सम्पन्न खेलमा २३४ रनको विजयी लक्ष्य पछ्याएको एपीएफले ४४.५ ओभरमा सम्पूर्ण विकेट गुमाएर मात्र २०६ रन बनाउँन सक्यो। ओपनर ब्याट्सम्यान आसिफ शेखले आक्रामक अर्धशतक बनाएता पनि लेग-स्पिनर सोनु देवकोटाले उत्कृष्ट बलिंग प्रदर्शन गर्दै बागमतीलाई जित दिलाएका थिए।

एपीएफको ब्याटिंगमा आशिफ शेखले सर्वाधिक ५०, शंकर रानाले २९, अमर सिंह राउटेलाले २७ तथा सन्दिप जोराले २५ रन बनाए।

कप्तान शरद भेषवाकर ४ रन बनाएर आउट भएपछि आशिफ शेखले शंकर रानासंग दोस्रो विकेटका लागि ७२ रनको अर्धशतकीय साझेदारी गर्दै एपीएफको इनिंग्स सम्हाले। नियमित ओपनर सुबास खकुरेलले चोटका कारण आजको खेल गुमाउदा आशिफ शेखसंग कप्तान शरद भेषवाकर ओपनिंगमा आएका थिए।

३८ बलमा ७ चौका र २ छक्काको मद्धतमा ५० रनको आक्रामक पारि खेलेका शेखलाई देवकोटाले आउट पार्दै साझेदारी तोडे। उनको विकेटसंगै बागमती खेलमा हावी भएको थियो। त्यसपछि देवकोटाले ५ विकेट लिंदै एपीएफको ब्याटिंग अर्डर धराशायी पारेका थिए। मिडल ओभरमा देकोटाले निरन्तर रुपमा विकेट लिंदै एपीएफका ब्याट्सम्यानलाई क्रिजमा जम्न दिएका थिएनन्।

सोनु देवकोटा

खेलमा प्लेयर अफ द म्याच बागमतीका लेग-स्पिनर सोनु देवकोटा चुनिए।

बागमतीको बलिंगमा सोनु देवकोटाले १० ओभरमा ४१ रन खर्चेर सर्वाधिक ६ विकेट लिए। यस्तै रामनरेश गिरि र आरियो पौडेलले समान २ विकेट हात पारे।

यसअघि  खेलमा टस जितेर ब्याटिंगको निम्तो पाएको बागमतीले निर्धारित ५० ओभर ब्याटिंग गर्दै ६ विकेट गुमाएर २३३ रन बनाएको थियो।

बागमतीको ब्याटिंगमा नन्दन यादवले सर्वाधिक अविजित ६० रन बनाए जुन क्रममा ५६ बलमा ७ चौका र २ छक्का प्रहार गरे। यस्तै कप्तान ज्ञानेन्द्र मल्लले ८४ बलमा ७ चौका प्रहार गर्दै ५७ रन बनाए। आदील खानले ३४, इशान पाण्डेले ३१ तथा पारस खड्काले २९ रन बनाए।

ओपनर आकाश थापा १ रन बनाएर आउट भएपछि ज्ञानेन्द्र मल्ल र पारस खड्काले दोश्रो विकेटको लागि ४९ रनको साझेदारी गरे। १७ औं ओभरमा पारसलाई बसन्त रेग्मीले क्याच आउट गराए। त्यसपछि ज्ञानेन्द्र र इशान पाण्डेले ४८ रनको साझेदारी गरे। २८ औं ओभरमा मल्ललाई अमर सिंह रौटेलाले क्याच आउट गराए। त्यसपछि फर्ममा रहेका पृथु बास्कोटा मात्र ५ रन बनाएर रौटेलाबाट क्याच आउट भए। ३५ औं ओभरमा इशानलाई किशोर महतोले क्याच आउट गर्दै एपीएफलाई खेलमा हावी गरे।

त्यसपछि आदील खानले छैठौं विकेटको लागि नन्दन यादबसंग ७३ रनको साझेदारी गर्दै योगफल २ सय पार गराए। ४७ औं ओभरमा आदीललाई किशोरले क्याच आउट गरे। त्यसपछि नन्दनले अन्तिमसम ब्याटिंग गरे।

एपीएफको बलिंगमा किशोर महतो ( १०-२-४८-२ ) र अमर सिंह रौटेलाले ( १०-०-५१-२ ) समान २ विकेट लिए। अविनाश बोहरा ( १०-१-४१-१ ) र बसन्त रेग्मी ( १०-२-२९-१ ) ले समान १ विकेट लिए।

यो पनि पढ्नुस 

लो स्कोरिंग खेलमा पुलिस ३ विकेटले विजयी, आर्मीका आलमले लिए ७ विकेट

धोनी आवद्ध ब्राण्ड ‘सेभेन’ ईपिएलसंग जोडियो





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]