विकेटनेपाल, २७ मङ्सिर
थाईल्याण्ड भ्रमणमा रहेको योंगस्टार युवा क्लब ‘दांग’ ले थाईल्याण्ड रास्ट्रिय क्रिकेट टिम बिरुद्ध दोश्रो टि-२० खेलमा १०२ रनको विजय हात पारेको छ l क्लबले यस अघिको टि-२० मा ९१ रनको जित हात पारेको थियो l
थाईल्याण्ड रास्ट्रिय टिमसंग ३ खेल मध्ये पहिलो खेल ( ५० ओभर ) मा योंगस्टारले ७ विकेटको पराजय बेहोरेको थियो l दोश्रो टि-२० संगै थाईल्याण्ड भ्रमणको सम्पूर्ण खेल सकिएको छ र टोलि बुधबार स्वदेश फर्किने कार्यक्रम रहेको छ l
टेर्ड थाई अन्तर्राष्ट्रिय क्रिकेट मैदानमा टस हारेर ब्याटिंग गरेको योंगस्टारको लागि ओपन्निंग ब्याटिंग गरेका सोनु तामांगले आक्रामक अविजित १२८ रनको इनिंग खेलेपछि निर्धारित २० ओभरमा १९६/३ को स्कोर खडा गरेको थियो l अघिल्लो खेलमा अविजित ९७ रन बनाएका सोनुले शतक प्रहार गर्नेक्रममा ६१ बलमा १२ छक्का र ६ चौका प्रहार गरेका थिए l
योंगस्टारको लागि कप्तान रुपेश शर्माले अविजित २३, दिपेश शाक्यले १७ तथा प्रशन्न शाक्यले १२ रन बनाए l
प्रतिउत्तरमा थाईल्याण्ड टिमले पुरा २० ओभरमा ९५/८ मात्रै बनाउन सक्यो l वान्छना युसिकले सर्बाधिक ३५ रन योगदान दिए l
बलिंग तर्फ योंगस्टारको लागि दिवान पुन र केशब प्रशाद शर्माले २-२ विकेट हात पारे l यस्तै सोनु तामांग, बिर सिंग वली र आशिष सिंगले पनि १/१ विकेट आफ्नो नाम गरे l
यो पनि पढ्नुस :-
- सन्दिप लामिछाने यु-१९ रास्ट्रिय टिमको कप्तान, हेर्नुस को-को परे टिममा
- कस्तो रह्यो अस्ट्रेलियामा सन्दिपको प्रदर्शन ?
- नेपाल कठिन समुहमा ( यु-१९ एसिया कप )
- सन्दिप लामिछानेलाई शेन वार्नको ‘कल’
