सन्दिप औजी चम्किदा चटकपुर क्लवलाई यु-१६ त्रिकोणात्मक सिरिजको उपाधि

माघ,१८,धनगढी।

चटकपुर स्पोर्टस क्लव नेपालको आयोजना सुदुरपश्चिमाञ्चल एकेडेमीको प्रायोजन तथा काठमाडौको ग्रेट हिमालयन क्रिकेट एकेडेमी र बझाङको बुङ्गल क्रीकेट क्लवको सह प्रायोजनमा यहि माघ १६ गतेदेखि धनगढीको फाप्ला क्रिकेट मैदानमा सञ्चालनमा रहेको प्रथम यु-१६ त्रिकोणात्मक सिरिजको फाइनल खेलमा सन्दिप औजी चम्किदा आयोजक चटकपुर स्पोर्टस क्लवले उपाधि चुम्न सफल भएको छ।

प्रथम यु-१६ त्रिकोणात्मक सिरिजको फाइनल खेलमा धनगढीको स्टेपिङ स्टोन स्कुलले टस जित्दै पहिला ब्याटिङ गर्ने निर्णय लिएको हो।फलस्वरूप, स्टेपिङ स्टोन स्कुलले निर्धारित २० ओभरको खेलमा १५.२ ओभर खेल्दै सम्पुर्ण विकेटको क्षति मात्र १०२ रनमा समेटिन पुग्यो। ब्याटिङतर्फ स्टेपिङ स्टोन स्कुलका लागिअभिषेक कुँवरले १७ बलमा सर्वाधिक ३२ रन बनाउदा रोमन बिष्टले २२ बलमा १८ रन,सुदर्शन भट्टले १० बलमा ११ रन तथा विरेन्द्र चन्दले १८ बलमा १० रन बनाउनु बाहेक अन्य खेलाडीले दोहोरो स्कोर छुन सकेनन्। बलिङतर्फ चटकपुर स्पोर्टस क्लव नेपालका लागि मुकेश कार्कीले ३.२ ओभरमा १३ रन खर्चंदै सर्वाधिक ४ विकेट लिन सफल हुँदा कप्तान इश्वरी बिष्टले ३ ओभरमा १ मेडेन सहित २० रन खर्चदा मनिषा चौधरीले २ ओभरमा १३ रन खर्चंदै समान २/२ विकेट लिन सफल भए।

१०३ रनको सामान्य विजयी लक्ष्य पछ्याउँदै मैदान उत्रेको चटकपुर स्पोर्टस क्लव नेपालले निर्धारित २० ओभरमा १५.५ ओभर खेल्दै मात्र २ विकेटको क्षति १०४ रन बनाउदै रोमाञ्चक ८ विकेटको जित आफ्नो नाममा दर्ता गराउदै प्रथम यु-१६ त्रीकोणात्मक सिरिजको उपाधिमा समेत कब्जा जमाएको छ।ब्याटिङतर्फ चटकपुर स्पोर्टस क्लव नेपालका लागि सन्दिप औजीले ३४ बलमा सर्वाधिक ४६ अविजित रन बनाउदा डबल ऐरले ३८ बलमा २९ अविजित रन र विजय गुप्ताले १९ बलमा १५ रन बनाउन सफल भए। बलिङतर्फ स्टेपिङ स्टोन स्कुलका लागि विरेन्द्र चन्दले ४ ओभरमा २० रन खर्चंदै सर्वाधिक १ विकेट लिन सफल भएपनि आफ्नो टोलिलाइ जित भने दिलाउन सकेनन्।

प्रथम यु-१६ त्रीकोणात्मक सिरिजको फाइनल खेल चटकपुर स्पोर्टस क्लव नेपालले ८ विकेट जित्न सफल भएको छ।खेलको GHCA म्यान अफ दी म्याच चटकपुर स्पोर्टस क्लव नेपालका सन्दिप औजी घोषित हुन सफल भए।

 

प्रथम यु-१६ त्रीकोणात्मक सिरिजको फाइनल समारोहका सभापति यस प्रतियोगिताका संयोजक दिपक रावल रहनु भएको कार्यक्रममा प्रमुख अतिथि सुदुरपश्चिम प्रादेशिक क्रीकेट संघका कोषाध्यक्ष दिनेशबहादुर सिंह रहनु भएको हो।अन्य अथितिहरुमा सुदुरपश्चिम प्रदेश महिला क्रीकेट प्रशिक्षक जानकि भट्ट,स्टेपिङ स्टोन स्कुलका प्रशिक्षक जगदीश जोशी र टिम व्यवस्थापक स्टेपिङ स्टोन स्कुलका भरत जोशी ज्यूको उपस्थिति रहेको हो।

यस सिरिज भरि आफ्नो उत्कृष्ट प्रदर्शन कायम गरि आफ्नो टिमलाई जिताउन सफल चटकपुर स्पोर्टस क्लव नेपालका खेलाडी डबल ऐरलाइ प्लेयर अफ दी सिरिज घोषित गरिएको हो।सिरिजमा खेलाइएका चारै खेलको म्यान अफ दी म्याच अवार्ड काठमाडौको ग्रेट हिमालयन क्रीकेट एकेडेमीले तथा प्रथम हुने टोलिको लागि ट्रफी धनगढीकै सुदुरपश्चिमाञ्चल एकेडेमीले प्रायोजन गर्नुभएको हो।





थप समाचार

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]

नेदरल्यान्ड्स र नेपालले फाइनल खेल्ने

काठमाडौं । नेपाल र नेदरल्यान्ड्सले त्रिदेशीय टी-ट्वान्टी आई सिरिजको फाइनलमा भिड्ने भएका छन् । वर्षाका कारण नामिबिया र नेदरल्यान्ड्सको खेल […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर बलिङ […]

हङकङ सिरिजका लागि नेपाली टोलीको घोषणा, आकाशलाई पहिलो पटक मौका

काठमाडौं । हङकङमा आयोजना हुने त्रिदेशीय टी-ट्वान्टी सिरिजका लागि नेपाली टोली घोषणा भएको छ । फागुन २७ बाट सुरु हुने […]

हङकङ टी-ट्वान्टी सिरिज फागुन २७ बाट

काठमाडौं । हङकङमा आयोजना हुने त्रिदेशीय टी-ट्वान्टी सिरिज फागुन २७ बाट सुरु हुने भएको छ । हङकङ क्रिकेटले शनिबार सिरिजको […]

दंगाली लायन्सलाई दाङ क्रिकेट लिग सिजन-२ को उपाधि, बसिर सर्वोत्कृष्ट  

दाङमा सम्पन्न नेपाल टेलिकम दाङ क्रिकेट लिगको दोश्रो सिजनको उपाधि दंगाली लायन्सले जितेको छ। दाङ क्रिकेट संघद्वारा आयोजित लिगको फाइनलमा […]