नरेश श्रेष्ठ मेमोरियल यू-१९ ओडिआई क्रिकेटको उपाधि सुदूरपश्चिम प्रदेशले जितेको छ ।
लुम्बिनी प्रदेशलाई ८ रनले पराजित गर्दै सुदूरपश्चिमले उपाधि जितेको हो । अघिल्लो सिजनमा पनि सुदूरपश्चिमले लुम्बिनीलाई नै पराजित गरेर उपाधि जितेको थियो ।
१२८ रनको लक्ष्य पछ्याएको लुम्बिनी ४३.१ ओभरमा ११९ रनमा अलआउट भयो । लुम्बिनीका कप्तान आकाश त्रिपाठीले २२, शिव कुँवरले २०, विजय कोहरले १९, समीर अलि मुसलमानले १८, सन्तोष यादवले १२ रन बनाए । सुदूरपश्चिमका कप्तान हेमन्त धामीले ४, सचिन भट्ट र नरेन साउदले दुई/दुई र अशोक धामीले एक विकेट लिए ।
पहिले ब्याटिङ गरेको सुदूरपश्चिमका अभिषेक थापाले २९, नरेन भट्टले २७, नरेन साउदले १५, राजेश ऐरले १४, दीपक रोकायले ११, अशोक धामीले ८, हेमन्त धामीले ६ रन बनाएका थिए । लुम्बिनीका सन्तोष यादवले ५, रमेश कुर्मीले ३ र शिव कुँवरले एक विकेट लिए ।
