रोमान्चक खेलमा मुम्बईमाथि हैदराबादको अन्तिम बलमा जित

  • विकेटनेपाल, चैत्र ३० – शुक्रबार

इन्डियन प्रिमियर लिग (आइपिएल) क्रिकेट अन्तर्गत गएराती भएको खेलमा सनराइजर्स हैदराबादले मुम्बई इन्डियन्सलाई अन्तिम बलमा १ विकेटले पराजित गर्दै प्रतियोगिताको लगातार दोश्रो जित दर्ता गरेको छ । मुम्बई  को भने यो लगातार दोश्रो हार हो, उसले दुबै खेल १ विकेटले गुमाएको छ ।

मुम्बईले दिएको १४८ रनको लक्ष्य पछ्याएको हैदराबादले उत्कृस्ट सुरुवात गरेको थियो । उसका लागि रिद्धिमान शाहले  २२ रन तथा आक्रामक खेलेका शिखर धवनले ४५ रन (२८ बल, ८ चौका) बनाउंदै पहिलो विकेटको लागि ६२ रनको साझेदारी गरेका थिए । तर त्यसपछि मुम्बईका २० बर्षीय लेग स्पिनर मयंक मर्काण्डे  ले मात्र २३ रन खर्चेर ४ विकेट, मुस्ताफिजुर रहमानले २४ रन खर्चेर ३ विकेट तथा जस्प्रित बुम्राहले २ विकेट लिएपछि हैदराबादको मध्यक्रम ध्वस्त भयो ।

धवन र शाहले ६२ रनको साझेदारी गरेका थिए

कुनै समय १३७/९ को अवस्थामा रहेको हैदराबादलाई जितको लागि अन्तिम ओभरमा ११ रनको आबश्यकता थियो तर बलिंग गर्न आएका बेन कटिंगलाई दिपक हुडाले पहिलो बलमा नै छक्का प्रहार गरे भने अन्तिम बलमा बिल्ली स्टेनलेकले चौका प्रहार गर्दै खेल जिताए । हुडाले अविजित ३२ रन बनाए ।

यसअघि टस हारेर पहिले ब्याटिंग गरेको मुम्बईले निर्धारित २० ओभरमा ८ विकेट गुमाएर १४७ रन बनाएको थियो । उसका लागि ओपनर ईभान   लुइसले २९ रन (१७ बल, ३ चौका, २ छक्का), किरन पोलार्ड र सूर्यकुमार यादवले समान २८ रन बनाएका थिए ।

इभान लुइसको विकेट लिएपछि खुसि मनाउंदै सिद्धार्थ कौल

किफायती बलिंग गरेका हैदराबादका राशिद खानले १ विकेट लिन ४ ओभरमा मात्र १३ रन खर्चे भने सन्दिप शर्मा, बिल्ली स्टेनलेक र सिद्धार्थ कौलले उत्कृस्ट बलिंग गर्दै समान २/२ विकेट लिएर आफ्ना महत्त्वपूर्ण उपकप्तान भुवनेश्वर कुमारको अनुपस्थिति महशुस हुन दिएनन् । यस्तै साकिब अल हसनले पनि एक विकेट लिए । राशिद खान म्यान अफ द म्याच घोषित भए ।





थप समाचार

क्याम प्रिमियर लिग : तराई टाइगर, लुम्बिनी, कङ्गारु र हाम्रो यूथ क्लब विजयी

तराई टाइगर स्पोर्ट्स क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेट प्रतियोगितामामा ६८ रनको फराकिलो जित निकालेको छ […]

एसीसी प्रिमियर कप : नेपाल र युएईबीचको बाँकी फाइनल खेल आज

  काठमाडौँ । काठमाडौँमा जारी एसीसी प्रिमियर कपमा सोमबार रोकिएको नेपाल र युएईबीचको फाइनल खेल आज (मंगलबार)सुरु हुदैछ । सोमबार […]

क्याम प्रिमियर लिग : जफर अन्सारीको अलराउन्ड प्रदर्शन

काठमाडौं, वैशाख १२– जफर अन्सारीको अलराउन्ड प्रदर्शन प्रेरित अमदब्लाम क्रिकेट क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेटमा […]

वैशाख १३ देखि पिवाइसी बिबिए कप ट्वान्टी–२० क्रिकेट

काठमाडौं, वैशाख १०– पब्लिक युथ क्याम्पसको आयोजनामा वैशाखको दोस्रो सातादेखि पिवाइसी बिबिए कप ट्वान्टी–२० क्रिकेट प्रतियोगिता हुने भएको छ । […]

एसिसि प्रिमियर कप अन्तर्गत आज नेपाल र मलेसिया खेल्दै

आजबाट एसीसी प्रिमियर कप क्रिकेट प्रतियोगिता सुरु हुँदै छ। टियु मैदान कीर्तिपुरमा आयोजना हुने खेलमा नेपाल र मलेसियाबीच खेल हुदैछ […]

मुकेशको पाँच विकेटमा कंगारुको जित

काठमाडौं, वैशाख ५– मुकेश थारुले एक्लैले पाँच विकेट लिएपछि कंगारु क्रिकेट क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग […]