बंगलादेशलाई १० विकेटले पराजित गर्दै श्रीलंका फाइनलमा

  • विकेटनेपाल, माघ ११ – बिहिबार

श्रीलंका, बंगलादेश र जिम्बाबे सम्मिलित जारि त्रिकोणात्मक एकदिवसीय सिरिज अन्तर्गत श्रीलंकाले बंगलादेशलाई १० विकेटको फराकिलो अन्तरले पराजित गरेको छ। अंकतालिकाका शिर्ष दुई टोलीहरु श्रीलंका र बंगलादेश शनिबार (२७ तारिख) मा शेरे बंगला रास्ट्रीय मैदानमा उपाधीका लागि भिड्ने छन्।

शेरे बंगला रास्ट्रीय मैदान, बंगलादेशमा भएको खेलमा टस जितेर पहिले ब्याटिंग गरेको बंगलादेशले खराब ब्याटिंग गर्दै मात्र २४ ओभरमा ८२ रनमै सबै विकेट गुमायो।

बंगलादेशका लागि मुश्फिकुर रहिमले सर्बाधिक २६ रन प्रहार गरे भने दोश्रो सर्बाधिक रन अतिरिक्तको रुपमा पाएको १४ रन रह्यो । त्यस्तै सब्बिर रहमानले १० रन बनाउदा अन्य ब्याट्सम्यानले दोहोरो अंक छुन सकेनन्।

 

आयोजक बंगलादेशको ब्याटिंग ध्वस्त पार्नेक्रममा श्रीलंकाका सुरंगा लकमलले मात्र २१ रन खर्चेर ३ विकेट लिए। यस्तै दुश्मन्था चमेरा, लक्षण संदाकन र थिसरा परेराले २/२ विकेट हात पारे।

जवाफमा पाएको ८३ रनको झिनो लक्ष्य श्रीलंकाले बिना कुनै विकेटको क्षतिमा मात्र ११.५ ओभरमै पुरा गर्यो ।

श्रीलंकाका लागि दनुषा गुनाथिलाकाले अविजित ३५ रन बनाउन ३ चौका र २ छक्का प्रहार गर्दै ३५ बल खेले भने उपुल थरंगाले ३९ रन प्रहार गर्न १ चौका र ३ छक्का प्रहार गर्दै ३७ बल खेले ।

उत्कृस्ट बलिंग गर्दै बंगलादेशलाई सुरुवाती झट्का दिएका श्रीलंकाका सुरंगा लकमल म्यान अफ द म्याच घोषित भए ।

 

यो सँगै प्रतियोगितामा समूह चरणका खेलहरु सकिएका छन् । बंगलादेश ४ खेलबाट ३ जित र १ हार सहित १५ अंकका साथ शिर्ष स्थानमा रह्यो भने श्रीलंकाले पनि समान खेलबाट २ जित र २ हार व्यहोर्दै ९ अंकका साथ दोश्रो स्थानमा रहेको छ। जिम्बाबे भने १ मात्र जितका साथ ४ अंक सहित अन्तिममा रह्यो।

(Pictures: Bangladesh Cricket Board)





थप समाचार

प्रतिस्पर्धात्मक खेलका बाबजुद भारतसंग नेपाल पराजित

१९औँ एसियाली खेलकुदअन्तर्गत पुरुष क्रिकेटमा भारतसँग नेपाल २३ रनले पराजित भएको छ । हारसँगै नेपाल पुरुष क्रिकेटको क्वार्टरफाइनलबाटै बाहिरिएको छ […]

एसियन गेम्स क्वार्टरफाइनलमा नेपाल र भारत खेल्ने

चिनको हांगझाउमा जारि एसियन गेम्सको पुरुष क्रिकेट अन्तर्गत क्वार्टरफाइनलमा नेपालले भारतसंग प्रतिस्पर्धा गर्ने भएको छ। सोमबार बिहान गोलाप्रथाबाट नेपालको प्रतिस्पर्धी […]

अविनाशले कीर्तिमानी स्पेल दर्ता गर्दा नेपाल एसियन गेम्सको क्वार्टरफाइनलमा

माल्दिभ्सलाई १३८ रनको विशाल अन्तरले पराजित गर्दै नेपाल चिनमा जारि एसियन गेम्स पुरुष क्रिकेटको क्वार्टरफाइनल प्रवेश गरेको छ। समुह ‘ए’ […]

एसियन गेम्स : नेपालको दोश्रो खेल माल्दिभ्ससंग

चिनको हांगझाउमा जारि एसियन गेम्स अन्तर्गत समुह चरणको खेल अन्तर्गत नेपालले आफ्नो दोश्रो खेलमा भोलि माल्दिभ्ससंग प्रतिस्पर्धा गर्नेछ। खेल आइतबार […]

‘केपी ओली कप राष्ट्रिय टि-ट्वान्टी’ मंसिरको पहिलो साता

पोखरामा मदन भण्डारी स्पोर्टस् एकेडेमीको आयोजनामा आगामी मङ्सिर पहिलो साता पोखरामा ‘प्रथम केपी ओली कप राष्ट्रिय टी–२० क्रिकेट प्रतियोगिता’ हुने […]

दीपेन्द्रको विश्व कृतिमानपछि बुवाले भने-‘आफूसँगै देशको नाम राख्यो, खुशीको सीमा छैन’

महेन्द्रनगर (कञ्चनपुर) । १९ औँ एसियाली खेलकुद अन्तर्गत टी-२० क्रिकेटमा मङ्गोलियालाई पराजित गरेको खेलमा नेपालले आधा दर्जन बढी कीर्तिमान राख्यो। […]