ग्रेट हिमालय क्रिकेट एकेडेमीमा श्रीलंकन प्रशिक्षक नियुक्त

श्रीलंकन प्रशिक्षक मिहिराज वसन्थाले काठमाडौँ स्थित ग्रेट हिमालय क्रिकेट एकेडेमीको ब्याटिंग प्रशिक्षक नियुक्त भएका छन्।

अन्तर्राष्ट्रिय क्रिकेट परिषद ( आईसीसी ) को लेभल-३ प्रशिक्षक मिहिराज बिगत १५ वर्ष देखि प्रशिक्षकको रुपमा कार्यरत छन्। उनले श्रीलंकाको महिला राष्ट्रिय क्रिकेट टिमको २०१३ मा सहायक ब्याटिंग प्रशिक्षकको रुपमा समेत काम गरिसकेका छन्। यस्तै उनले २०१७ मा प्रशिक्षक डेभ व्हाटमोरसंग भारतको चेन्नाईमा सेन्टर अफ स्पोर्ट्स साइन्समा काम गरेका थिए।

मिहिराजले श्रीलंका, युएई, भारत र इंग्ल्यान्डमा काम गरिसकेका छन्। भर्खरै मात्र उनि भारत बैंगलोरको शिन्स क्रिकेट एकेडेमीमा प्रमुख प्रशिक्षकको भूमिकामा थिए। सन् १९९९ देखि २००६ सम्म श्रीलंकाको प्रथम श्रेणी क्रिकेट खेलेका मिहिराजले इंग्ल्यान्डमा समेत क्रिकेट लिग खेलेका थिए।

मिहिराजलाई तिन महिनाको लागि प्रशिक्षक नियुक्त गरिएको हो जो जुलाई  २०२२ सम्म नेपालमा रहनेछन्। यस क्रममा उनले ग्रेट हिमालय क्रिकेट एकेडेमीको हत्तिबन र शान्तिनगरमा रहेको एकेडेमीमा प्रशिक्षण गर्नेछन्। यस क्रममा उनले एकेडमीमा अन्तर्राष्ट्रिय स्तरमा अभ्यास सिस्टम समेत विकास गर्न सघाउने छन्।


मिहिराज नेपालमा रहंदा उनले काठमाडौँ बाहेक अन्य स्थानहरुमा समेत प्रशिक्षण शिविर संचालन गर्ने योजना एकेडेमीले बनाएको छ।

अन्तर्राष्ट्रिय स्तरको स्तरीय प्रशिक्षकलाई नियुक्त गरेकोमा ग्रेट हिमालय क्रिकेट एकेडेमीका प्रशिक्षक सुदिप शर्माले आफ्नो प्रयास खेलाडीहरुलाई सक्दो स्तरीय प्रशिक्षण प्रदान गर्ने रहेको बताए –

“हामि हाम्रो एकेडेमीमा उच्च स्तरीय प्रशिक्षकलाई स्वागत गर्न पाउँदा खुसि छौँ। ग्रेट हिमालय क्रिकेट एकेडेमीले सधैं स्तरीय प्रशिक्षण दिने प्रयास गर्दै आएको छ। अन्तर्राष्ट्रिय स्तरको प्रशिक्षक नियुक्त गर्दा विद्यार्थीहरुलाई लाभ हुनेछ। यो अवधिमा उनीहरुले अनुभवी प्रशिक्षकको अन्डरमा उत्कृस्ट प्रशिक्षण प्राप्त गर्नेछन्।”

“ग्रेट हिमालय क्रिकेट एकेडेमीमा सबैभन्दा उत्कृस्ट अभ्यास सुविधा छ जसमा अब अन्तर्राष्ट्रिय स्तरको प्रशिक्षक समेत जोडिएका छन्। यो कदमले युवा खेलाडीहरुलाई अझ फाइदा पुग्ने विश्वास छ।” शर्माले बताए।





थप समाचार

नेदरल्यान्ड्सले टस जित्यो

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नामिबियाविरुद्ध नेदरल्यान्ड्सले टस जितेको छ । सिरिजको पाँचौ खेलमा नेदरल्यान्ड्सका कप्तान […]

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]

सिरिज जित्न नेपालद्वारा क्यानडालाई १८२ रनको लक्ष्य

काठमाडौं । क्यानडा-११ विरुद्ध सिरिज जित्नका लागि नेपालले १ सय ८२ रनको लक्ष्य प्रस्तुत गरेको छ । मुलपानी क्रिकेट मैदानमा […]

नेपालले टस हार्यो, जोरा कप्तानमा निरन्तर

काठमाडौं । क्यानडा-११ विरुद्धको तीन खेलको एकदिवसीय सिरिजको अन्तिम खेलमा नेपालले टस हारेको छ । अन्तिम तथा निर्णायक खेलमा नेपालले […]

डिसिएल–२ को मुख्य प्रायोजकमा नेपाल टेलिकम

दाङ । दाङमा हुन लागेको लुम्बिनी प्रदेशकै सबैभन्दा ठूलो प्रतियोगिता दाङ क्रिकेट लिग (डिसिएल)-२ को मुख्य प्रायोजकमा नेपाल टेलिकम आबद्ध […]

नेपालमाथि नामिबियाको लगातार दोस्रो जित

काठमाडौं । नामिबियाले नेपालमाथि लगातार दोस्रो खेलमा जित निकालेको छ । टियु मैदान कीर्तिपुरमा भएको विश्वकप लिग टु अन्तर्गतको त्रिकोणात्मक […]