पोलार्ड कप्तानीको सेन्ट लुसिया स्टार्सको लगातार १४ औं जितबिहिन यात्रा – सिपिएल

  • विकेटनेपाल, श्रावण ३० – बुधबार

एडम जाम्पाले ३ विकेट लिन २७ रन खर्चिंदै म्यान अफ द म्याच अवार्ड जितेपछि वेस्ट इन्डिजमा जारि टि-२० लिग क्यारेबियन प्रिमियर लिगमा जमैका तल्लावाजले सेन्ट लुसिया स्टार्सलाई २ बल अगावै ६ विकेटले पराजित गरेको छ। हारसँगै कायरन पोलार्डको कप्तानीमा रहेको सेन्ट लुसिया स्टार्सले सन् २०१६ देखि अहिलेसम्मको १४ खेलको जितबिहिन यात्रालाई निरन्तरता दिएको छ।


जमैकाको घरेलु मैदानमा भएको खेलमा टस जितेर पहिले ब्याटिंग गरेको सेन्ट लुसिया स्टार्सले निर्धारित २० ओभरमा सबै विकेट गुमाएर १७५ रन बनाएको थियो। उसका लागि आन्द्रे फ्लेचरले ४३ रन (३३ बल, ५ चौका, २ छक्का), तथा ड्यारेन शामीले ३६ रन (२४ बल, २ चौका, ३ छक्का) प्रहार गरेका थिए। त्यस्तै कायरन पोलार्डले २६, कवीम हजले २१ तथा लेण्डल सिमोन्सले २२ रन बनाएका थिए।

बल टेम्परिंग काण्डपछी १२ महिना अन्तर्राष्ट्रिय क्रिकेटबाट प्रतिबन्धित अस्ट्रेलियाका पुर्व-उपकप्तान डेभिड वार्नरले ७ रन बनाउन ६ बलमा १ चौका प्रहार गरे।

बलिंगतर्फ जमैका तल्लावाजका लागि एडम जाम्पाको साथै ओशाने थोमसले पनि ३ विकेट हात पार्नेक्रममा ३९ रन खर्चे भने कप्तान आन्द्रे रसेलको नाममा २ विकेट रह्यो।

जवाफमा १७६ रनको लक्ष्य पछ्याएको जमैका तल्लावाजका लागि ग्लेन फिल्लिप्सले ५८ रन (४० बल, २ चौका, ६ छक्का) बनाउँदै पहिलो विकेटको लागि जोन्सन चार्ल्ससँग ८१ रनको साझेदारी गरे। चार्ल्सले ३१ रन बनाउन २० बलको सामना गरे। त्यस्तै आन्द्रे एमकार्टीलेले २० रन बनाउँदा रोभ्मन पावेलले अविजित ४३ रनको पारि खेल्दै २३ बलमा २ चौका र ४ छक्का प्रहार गरे।

अन्त्यमा अविजित ८ रन बनाएका रोस टेलरले अन्तिम ओभरको तेस्रो बलमा छक्का प्रहार गर्दै खेललाई बराबरीमा पुर्याएका थिए भने चौथो बलमा १ रन लिँदै जित सुनिस्चित गरे।





थप समाचार

एनकासा इन्टर फर्म टी-२० क्रिकेटमा १३ टिम सहभागी हुने

काठमाडौं। नेपाल चार्टर्ड एकाउन्टेन्ट विधार्थी संगठन (एनसिएएसए) इन्चिट्युट अफ चार्टरड एकाउन्टेन्ट अफ नेपाल (आइक्यान) को स्वतन्त्र विधार्थी संगठनले फागुन पहिलो […]

आस्थालाई पराजित गर्दै प्यारामाउन्टले जित्यो नेसनल हाइस्कुल च्याम्पियनसिपको राष्ट्रिय फाइनल

काठमाडौं। आस्था कलेजलाई पराजित गर्दै प्यारामाउन्ट कलेजले नेसनल हाइस्कुल च्याम्पियनसिप (एनएचसी) को राष्ट्रिय फाइनल जितेको छ। तल्लो मूलपानी मैदानमा शनिबार […]

दिपेन्द्र सिंह ऐरीले डिसिएबाट अर्जुन ट्रफी खेल्ने

नेपाली अलराउण्डर दिपेन्द्र सिंह ऐरीले डिसिएबाट अर्जुन ट्रफी खेल्ने भएका छन् । धनगढीमा जारी प्रतियोगिताको सेमिफाईनल पुगेको डिसिए धनगढीले ऐरीलाई […]

अर्जुन ट्रफीः कुशल भुर्तेलको अलराउण्ड प्रदर्शनमा डडेल्धुरा फाईनलमा

कैलाली, माघ २६ नेपाली राष्ट्रिय क्रिकेट टोलीका सदस्य कुशल भुर्तेल चम्किएपछि फेण्ड्स युथ क्लब डडेल्धुरा क्रिकेटको शहर धनगढीमा भईरहेको अर्जुन […]

ग्रेट हिमालय काठमाडौं छनोटको उपाधि फाइनलमा

काठमाडौँ । ग्रेट हिमालय क्रिकेट एकेडेमी प्रधानमन्त्री कप पुरुष क्रिकेट काठमाडौं जिल्ला छनोटको उपाधि नजिक पुगेको छ। मूलपानीको माथिल्लो क्रिकेट […]

आगामी पाँच वर्षभित्र नेपालले टेस्ट क्रिकेट खेल्छ : आसिफ शेख

काठमाडौँ । नेपाली क्रिकेटको विकास र भविष्यबारे विशेष चर्चा गरिएको नेपाल क्रिकेटस् संघर्षदेखि सफलताको उत्सवसम्म कार्यक्रम बिहिवार राजधानीमा सम्पन्न भएको […]