Sudurpaschim Province vs Gandaki Province Live



बल टेम्परिंग: स्मिथ, वार्नर र ब्यान्क्राफ्टलाई कडा कारबाही

  • विकेटनेपाल, चैत्र १४ – बुधबार

बल टेम्परिंगको कारण लामो समयदेखि आलोचित बन्न पुगेका अस्ट्रेलियाका तिन खेलाडीहरु कप्तान स्टिव स्मिथ, उप-कप्तान डेविड वार्नर र युवा खेलाडी क्यामरुन ब्यान्क्राफ्टलाई क्रिकेट अस्ट्रेलियाले आजै देखि लागु हुने गरि कारबाही गरेको छ ।

क्रिकेट अस्ट्रेलियाले बुधबार पत्रकार सम्मेलन गर्दै दक्षिण अफ्रिका बिरुद्दको तेस्रो टेस्टमा बल टेम्परिंग गरेको अवस्थामा भेटिएका ब्यान्क्राफ्टलाई ९ महिना, योजना बनाउने वार्नर र कप्तान स्मिथलाई उक्त योजनाको जानकारी भएको भन्दै दुवैलाई १/ १ वर्ष कारबाहीको घोषणा गरेको हो ।

साथै स्मिथ र ब्यान्क्राफ्टलाई १२ महिना अवधिसम्म टिमको नेतृत्व समूहबाट निलम्बित गरिएको छ भने उक्त योजनाका मास्टरमाइन्ड मानिएका वार्नरलाई कहिलेपनि टिमको नेतृत्वदायी समूहमा नरहने गरि निलम्बित गरिएको छ ।

यसअघि हिजो क्रिकेट अस्ट्रेलियाका सीईओ जेम्स सदर्ल्याण्डले पत्रकार सम्मेलन गर्दै तिनै खेलाडीहरुलाई टिमबाट निकालिएको जनाउंदै चौथो टेस्ट अगाडी ग्लेन म्याक्सवेल, जोए बर्न्स र म्याट रेंसोलाई टिममा सामेल गरिएको बताएका थिए ।

यस्तै टिमको कप्तानको रुपमा केहि समय अगाडी ७ वर्षपछी टिममा स्थान बनाएका विकेटकिपर ब्याट्सम्यान टिम पेनलाई नियुक्ति गरिएको छ ।  उनि अस्ट्रेलियाको ४६ औं टेस्ट कप्तान भएका छन् ।

क्रिकेट अस्ट्रेलियाले तिनै जना खेलाडीलाई अन्तर्राष्ट्रिय तथा आफुले आयोजना गर्ने घरेलु क्रिकेट खेल्नबाट रोक लगाएपनि क्लब क्रिकेट भने खेल्न पाउने छन् । उता बिसिसीआईले भने खेलाडीहरुलाई आइपिएल खेल्न रोक लगाएको छ ।

के भएको थियो ?

दक्षिण अफ्रिका बिरुद्द जारी तेस्रो टेस्टको तेस्रो दिनमा अष्ट्रेलियाका ओपनर ब्याट्सम्यान क्यामरुन ब्यान्क्रफ्ट बल टेम्परिंग गर्दै गर्दा क्यामरामा कैद भएका थिए। पहेंलो रंगको टेप प्रयोग गरेर बललाई क्षति पुर्याएको अवस्थामा ब्यान्क्रफ्ट क्यामरामा कैद भएका थिए। आफ्नो हर्कत स्क्रिनमा कैद भएपछि ब्यान्क्रफ्टले उक्त टेप गोजीभित्र बाट झिकेर ट्राउजरभित्र लुकाएका थिए।

उक्त टेप ब्यान्क्रफ्टले हातमा उल्टो टाँसेका थिए। टेपको टाँसिने भाग उनि पिचमा दलेपछि खस्रो भएको टेपले बलको एउटा भागलाई रगड्थे।त्यसो गर्दा बलको एउटा भाग खश्रो भइ बलले रिभर्स स्विंग प्राप्त गर्न सक्थ्यो।





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]