आईसीसीको खेलाडी आचारसंहिता तोडेपछि अन्तर्राष्ट्रिय क्रिकेट काउन्सिल ( आईसीसी ) ले इंग्ल्याण्ड तिब्र गति बलर स्टुवार्ट ब्रडलाई कारवाही गरेको छ।
पाकिस्तान बिरुद्ध पहिलो टेस्टको दौरान ब्रडले यासिर शाहको विकेट लिएपछि शाहलाई ‘सेन्ड अफ’ दिंदै अपशब्द प्रयोग गरेपछि ब्रडलाई जरिवाना तथा १ डीमेरिट अंक समेत दिईएको छ।
ब्रडलाई आईसीसीको कोड अफ कन्डक्टको २.५ अन्तर्गत दोषी पाइएको हो जसमा खेलाडी र सपोर्ट स्टाफलाई भद्दा इशारा, अपशब्द प्रयोग गर्ने आदि रहेको छ। पाकिस्तानको दोश्रो इनिंगको ४६ औं ओभरमा ब्रडले शाह आउट भएपछि उनलाई अपशब्द प्रयोग गरेका थिए।
JUST IN: England fast bowler Stuart Broad has been fined for breaching the ICC Code of Conduct during the first #ENGvPAK Test.
Details 👉 https://t.co/2rsYrHV6Zi pic.twitter.com/4xrscKn1rb
— ICC (@ICC) August 11, 2020
आईसीसीले ब्रडलाई १ डीमेरिट अंक दिएको छ जुन अन्तिम २४ महिना भित्र ब्रडले पाएको यो तेश्रो डी-मेरिट अंक हो। यस अघि २०१८ अगस्टमा भारत बिरुद्ध तथा यसै वर्ष जनवरीमा दक्षिण अफ्रीका बिरुद्ध उनलाई डी-मेरिट अंक प्रदान गरिएको थियो। आईसीसीको नियमअनुसार यदि अन्तिम २४ महिनामा खेलाडीले ४ डीमेरिट अङ्क प्राप्त गरेमा १ टेस्ट वा २ सिमित ओभरको खेल गुमाउनेछ। यस्तै ८ डीमेरिट अङ्कमा २ टेस्ट वा ४ लिमिटेड ओभरको खेलमा प्रतिबन्ध रहनेछ।
आफ्नै पिताले गरे कारवाही
ब्रडलाई आचारसंहिता तोडेका कारण कारवाही अरु कोहि हैन उनकै पिता क्रिस ब्रडले गरेका छन्। इंग्ल्यान्डका पुर्व क्रिकेटर समेत रहेका ब्रड आईसीसीको म्याच रेफ्री हुन् र इंग्ल्यान्ड र पाकिस्तान बीचको खेलमा म्याच रेफ्रीको भूमिकामा रहेका थिए। ब्रडले पिता समक्ष गल्ति र उनिमाथि गरिएको कारवाही स्वीकार गरिसकेका छन्।
टेस्ट वरियतामा तेश्रो स्थानमा रहेका ३५ वर्षीय ब्रडले पाकिस्तान बिरुद्ध पहिलो टेस्टमा कुल ६ विकेट लिएका थिए। इंग्ल्यान्डले उक्त खेल ३ विकेटले जित्ने क्रममा चौथो इनिंगमा २७७ रनको लक्ष्य पछ्याएको थियो।
यो पनि पढ्नुस :-
https://wicketnepal.com/ben-stokes-will-miss-test-series-wn20/
https://wicketnepal.com/sangakkara-2-fav-batsman-wn20/
https://wicketnepal.com/sandeep-best-9-spell-in-foreign-t20-league/
https://wicketnepal.com/patanjali-ipl-title-wn20/
https://wicketnepal.com/nep-wc-l-2-wn20-practice-postponed-wn20/
