- फोटो फिचर : सुनिल धमला (फाइल फोटो)
विकेटनेपाल – १७ चैत्र, शनिवार | धनगढी प्रिमियर लिग )डिपिएल) को दोस्रो सिजनको उद्घाटन खेलमा टिम चौराहा धनगढीले काठमाडौं गोल्डेन्सलाई जितका लागि १४६ रनको विजय लक्ष्य प्रस्तुत गरेको छ ।
धनगढीको एस.पी.ए मैदानमा टस हारेर पहिले ब्याटिंगको निम्तो पाएको चौराहाले बिष्फोटक सुरुवात गरेको थियो । पहिलो विकेटका लागि सुनिल धमला र पुनित मिश्राले ५५ रनको साझेदारी गर्दै काठमाडौंको बलिंगलाई जवाफबिहिन पारेका थिए । पावरप्लेको अन्तिम बलमा पुनित मिश्रा (९) आउट भएसंगै चौराहाले पहिलो विकेट गुमाएको थियो । काठमाडौंलाई पहिलो सफलता दिलाउने क्रममा राशिद खानले पुनितलाई ललित राजबंशीको हातबाट क्याच आउट गराएका थिए ।
टिम चौराहा धनगढीको इनिंगमा सुनिल धमलाले उत्कृस्ट ब्याटिंग गरे । प्रतियोगिताको पहिलो अर्धशतक जोड्ने क्रममा सुनिलले ५७ बलमा ६८ रनको इनिंग खेले । उनको इनिंगमा ८ चौका र २ छक्का सामिल थियो । दोस्रो विकेटका लागि धमलाले शंकर रानासंग ७१ रनको साझेदारी गर्दै चौराहालाई ठुलो स्कोर तर्फ लैजाने प्रयास गरेका थिए । तर शंकर राना व्यक्तिगत ३६ रन जोड्दै आउट भएसंगै चौराहले लगातार विकेट गुमाउन पुग्यो ।
चौराहा धनगढीलाई ठुलो स्कोर जोड्नबाट बन्चित गराउन काठमाडौं गोल्डेन्सका साहब आलमले ह्याट्रिक प्राप्त गरे । उनको ह्याट्रिकको शिकारमा सोमपाल कामी, सुनिल धमला र राजेश पुलामी परेका थिए। यस्तै राशिद खान, सन्नी पटेल र किशोर महतोले समान १-१ विकेट चट्काए ।
