- विकेटनेपाल, २५ चैत – आइतबार
इन्डियन प्रिमियर लिग (आइपिएल) क्रिकेट अन्तर्गत गएराति भएको खेलमा कोलकत्ता नाइटराईडर्सका सुनिल नारायणले विस्फोटक ब्याटिंग गर्दै मात्र १७ बलमा अर्धशतक प्रहार गरेपछि उसले रोयल च्यालेंजर्स बेंगलोरलाई ४ विकेटले पराजित गरेको छ ।
बेंगलोरले दिएको १७७ रनको लक्ष्य पछ्याएको कोलकत्ताले नारायणको विस्फोटक ब्याटिंग सँगै नितिश रानाको ३४ रन (२५ बल, २ चौका, २ छक्का) र कप्तान दिनेश कार्तिकको अविजित ३५ रन (२९ बल, ४ चौका) को मद्दतमा ६ विकेट गुमाएर ७ बल अगावै पुरा गरेको थियो । नारायणले ५० रन बनाउनेक्रममा १९ बलमा ४ चौका र ५ छक्का प्रहार गरेका थिए ।
बेंगलोरका लागि क्रिस वोक्सले ३ विकेट लिन मात्र ३६ रन खर्चेपनि जितको लागि पर्याप्त हुन सकेन । यस्तै उमेश यादव २ र वासिंगटन सुन्दरले १ विकेट लिए ।
यसअघि टस हारेर पहिले ब्याटिंग गरेको बेंगलोरले निर्धारित २० ओभरमा ६ विकेट १७६ रन बनाएको थियो । उसका लागि ओपनर ब्रेन्डन म्याकलमले ४३ रन प्रहार गर्न २७ बलमा ६ चौका र २ छक्का तथा एबी डी भिल्लियर्सले ४४ रन प्रहार गर्न २३ बलमा १ चौका र ५ छक्का प्रहार गरेका थिए । यस्तै मन्दिप सिंहले ३७ रन बनाउन १८ बलमा ४ चौका र २ छक्का हान्दा कप्तान विराट कोहलीले ३१ रन (३३ बल, १ चौका, १ छक्का) बनाएपनि अन्त्यन्तै कमजोर पारि खेले ।
कोलकाताका लागि पार्ट टाइम बलर नितिश रानाले १ ओभरमात्र गर्ने क्रममा लगातार २ बलमा एबीडी भिल्लियर्स र विराट कोहलीलाई आउट गरेका थिए जुन अन्त्यमा खेलमा अन्तर बन्न गयो । यस्तै विनय कुमारले पनि २ विकेट लिन ३० रन खर्चेका थिए ।
विस्फोटक ब्याटिंग र १ विकेट समेत लिएका सुनिल नारायण म्यान अफ द म्याच भए ।
(Pictures: @iplt20.com)
