सुरीको उत्कृस्ट अर्धशतक, युएईद्वारा नेपाललाई किर्तिमानी विशाल लक्ष्य

ओमानमा जारी चार देशीय टि-ट्वान्टी अन्तर्राष्ट्रिय सिरिज अन्तर्गत आफ्नो दोश्रो खेलमा नेपाल युएईसंग प्रतिस्पर्धा गरिरहेको छ।

अल अमिरात मैदानमा जारी खेलमा टस हारेर ब्याटिंग गरेको युएईले निर्धारित २० ओभरमा ३ विकेट क्षेतीमा १९२ रन बनाउदै नेपाललाई १९३ रनको विशाल लक्ष्य प्रस्तुत गरेको छ। टि-२० अन्तर्राष्ट्रियमा नेपाल बिरुद्ध कुनै पनि देशले बनाएको यो दोश्रो ठूलो योगफल हो भने युएईको नेपाल बिरुद्ध सर्वाधिक योगफल हो । यस अघि नेदरल्याण्डले नेपाल बिरुद्ध गत वर्ष २०९ रन बनाएको थियो।

युएईको लागि चिराग सुरीले सर्वाधिक ८४ रन बनाए जुन क्रममा अविजित रहेका उनले ५३ बलमा ५ चौका र ५ छक्का प्रहार गरे। रोहन मुस्तफाले ३५ बलमा ५ चौका र २ छक्का मद्दतले ४९ रन बनाए। मुहम्मद वासिमले २२ तथा मोहम्मद बुताले १४ रन बनाए।

ओपनर मुहम्मद वासिमलाई तेश्रो ओभरमा शाहब आलमले क्याच आउट पारेपछि दोश्रो विकेटको लागि अर्का ओपनर चिराग सुरीले रोहन मुस्तफासंग ९७ रनको साझेदारी गरे। चौधौं ओभरमा मुस्तफालाई आरिफ सेखले स्टम्पिंग गराए। सुरीले बसिल हमिदसंग ३० रन जोडे। सत्रौं ओभरमा बुतालाई सन्दिपले बोल्ड गरे। चौंथो विकेटको लागि सुरी र मोहम्मद बुतासंग अविजित ४२ रनको साझेदारी गरे।

नेपालको बलिंगमा शाहब आलम ( २-०-३५-१ ), सन्दिप लामिछाने ( ४-०-२३-१ ) र आरीफ शेखले ( २-०-१७-१ ) समान एक विकेट लिए। २०१५ पछि टिममा पुनरागमन गरेका जितेन्द्र मुखिया विकेटविहिन ( ३-०-२५-० ) रहे। कमल सिंह ऐरीले ४ ओभरमा ४२ रन खर्चदा विकेटविहिन रहे।

खेलमा लोकेश बम डेब्यु गरिरहेका छन्। अविनाश बोहरा, करन केसी, कुशल भुर्तेल, सागर ढकाल र प्रदिप ऐरी आज बेन्चमा छन्। जितेन्द्र मुखिया, शाहब आलम र लोकेश बमले आज मौका पाएका हुन्।

सिरिज अन्तर्गत पहिलो खेलमा नेपालले आयोजक ओमानलाई ६ विकेटले पराजित गरेको थियो।





थप समाचार

पाँचपोखरी टी-२० क्रिकेट प्रतियोगिता आजबाट सुरु

काठमाडौं । पाँचपोखरी टी-२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा सुरु भएको छ । शनिबार एक कार्यक्रममका बिच पाँचपोखरी […]

नेदरल्यान्ड्सविरुद्ध नेपाल : सम्भावित प्लेईङ-११, एक परिवर्तनको सम्भावना

काठमाडौं । २०२७ मा दक्षिण अफ्रिका, जिम्बावे र नामिबियामा आयोजना हुने ओडिआई विश्वकपको छनोटको रुपमा रहेको विश्वकप लिग टू अन्तर्गतको […]

नेदरल्यान्ड्समाथि नामिबियाको ऐतिहासिक जित

काठमाडौं । नामिबियाले नेदरल्यान्ड्समाथि ऐतिहासिक जित निकालेको छ । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाई आफ्नो ओडिआई ईतिहासमा […]

नेदरल्यान्ड्सलाई २०४ रनको लक्ष्य

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाइ नामिबियाले जितका लागि २ सय ४ रनको लक्ष्य दिएको छ […]

नेदरल्यान्ड्सले टस जित्यो

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नामिबियाविरुद्ध नेदरल्यान्ड्सले टस जितेको छ । सिरिजको पाँचौ खेलमा नेदरल्यान्ड्सका कप्तान […]

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]