जारी नेपाल टी-२० लिगमा नेपाल क्रिकेट सङ्घ (क्यान)ले विज्ञप्ति जारी गर्दै फिक्सिङको बारेमा भ्रम र हल्ला फैलाएको भन्दै ध्यानाकर्षण भएको जनाएको छ ।
क्यानले यदि कसैले फिक्सिङ गरेको थाहा पाए प्रमाणसहित जारी नेपाल टी-२० लिगको ‘एन्टी करप्सन युनिट’ लाई उजुरी बुझाउन आग्रह गरेको छ ।
नेपाल टी–२० मा स्पट फिक्सिङ भएको आशङ्का गर्दै कमेन्टेटर सचिन तिमिल्सिनाले मङ्गलवार फेसबुक लाइभ गरेपछि विवाद उब्जिएको थियो ।
यस विषयमा नेपाली क्रिकेट टीमका पूर्वकप्तान एवं काठमाडौँ नाइट्सका कप्तान ज्ञानेन्द्र मल्लले पनि आफ्नै टीमका एक खेलाडीलाई फिक्सरले अप्रोच गरेको बताएका थिए । यस विषयमा अनुशासन समितिमा आफूहरूले रिपोर्टसमेत गरेको उनले जानकारी गराएका थिए ।
