अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ।
प्रतियोगिता अक्टोबर १६ तारिख देखि सुरु भएर नोभेम्बर १३ तारिखमा सम्पन्न हुनेछ। फाइनल खेल मेलबर्न क्रिकेट ग्राउन्डमा खेलिनेछ भने दुई सेमीफाइनल सिड्नी र एडीलेडमा हुनेछ।
प्रतियोगिताको दोश्रो चरण अर्थात् सुपर १२ चरणको समुह बिभाजन अनुसार समुह ‘१’ मा आयोजक तथा डिफेन्डिङ च्याम्पियन अस्ट्रेलिया सहित न्युजिल्यान्ड, इंग्ल्यान्ड, अफगानिस्तान र पहिलो चरणबाट आउने दुई टिम हुनेछन्। यस्तै समुह ‘२’ मा भारत, पाकिस्तान, दक्षिण अफ्रीका, बंगलादेश र पहिलो चरणबाट आउने दुई टिम हुनेछन्।
समुह १ : अस्ट्रेलिया, न्युजिल्यान्ड, इंग्ल्यान्ड, अफगानिस्तान ( पहिलो चरणबाट आउने दुई टिम )
समुह २ : भारत, पाकिस्तान, दक्षिण अफ्रीका, बंगलादेश ( पहिलो चरणबाट आउने दुई टिम )
विश्वकपको सबैभन्दा प्रतिक्षित मध्येको खेल भारत र पाकिस्तान बीचको खेल अक्टोबर २३ तारिखमा चर्चित मेलबर्न क्रिकेट ग्राउण्ड ( एमसीसी ) मा खेलिनेछ।
प्रतियोगिताको पहिलो चरण अक्टोबर १६ तारिख देखि सुरु हुनेछ। पहिलो खेलमा श्रीलंका र नामिबिया प्रतिस्पर्धा गर्नेछन्। अक्टोबर २२ देखि सुपर-१२ चरण सुरु हुनेछ जसको पहिलो खेल अस्ट्रेलिया र न्युजिल्यान्ड बीच सिड्नी क्रिकेट ग्राउण्डमा खेलिनेछ।
प्रतियोगिताको पहिलो चरणमा नामिबिया, श्रीलंका, स्कटल्याण्ड र वेस्टइन्डिज तथा विश्वकप ग्लोबल छनोटबाट आउने ४ वटा टिम हुनेछन्। ८ वटा टिमलाई दुई समुहमा बिभाजन गरिएको छ। समुह ‘ए’ मा नामिबिया, श्रीलंका र ग्लोबल छनोट बाट आउने दुई टिम तथा समुह ‘बि’ मा स्कटल्याण्ड, वेस्टइन्डिज तथा ग्लोबल छनोट बाट आउने दुई टिम हुनेछन्।
