पाकिस्तान कप्तान बाबर आजमको कप्तानीमा अन्तर्राष्ट्रिय क्रिकेट परिषद ( आईसीसी ) ले टि-ट्वान्टी विश्वकप २०२१ को ‘टिम अफ द टुर्नामेन्ट’ घोषित गरेको छ।
घोषित टिममा भारतीय टिमका कुनै पनि खेलाडी छैनन्। भारत प्रतियोगिताको सुपर-१२ चरणबाट बाहिरिएको थियो। यस्तै सुपर-१२ चरण पुगेका बंगलादेश, वेस्टइन्डिज, अफगानिस्तान, नामिबिया र स्कटल्याण्डका कुनै पनि खेलाडी टिममा छनोट भएनन्।
टिममा विश्वकप विजेता अस्ट्रेलियाका ३ जना खेलाडी छन्। उपविजेता न्युजिल्यान्डका मात्र एक जना खेलाडी मात्र टिममा अटाएका छन्। इंग्ल्यान्डका २ जना, श्रीलंकाका २ जना, दक्षिण अफ्रीकाका २ जना तथा पाकिस्तानका एक जना खेलाडी टिममा छन्।
सेमीफाइनल पुग्न असफल टिम दक्षिण अफ्रीकाका एनरिक् नोर्किया र एडेन मारक्रम तथा श्रीलंकाका अफ स्पिनर चरिथ असलंका र लेग स्पिनर वानिन्दु हसरंगा टिममा छन्। हसरंगा प्रतियोगिताकै सर्वाधिक विकेटकर्ता समेत हुन् जसले ८ खेलमा १६ विकेट लिए।
विश्वकपको प्लेयर अफ द टुर्नामेन्ट घोषित डेभिड वार्नर ओपनरको रुपमा टिममा छन् भने पेसर जोश हेजलवुड र लेग स्पिनर एडम जाम्पा टिममा छन्। इंग्ल्यान्डका जोस बटलर विकेटकिपरको रुपमा तथा न्युजिल्यान्डका देब्रे हाते पेसर ट्रेन्ट बोल्ट समाबेश छन्। बाह्रौं खेलाडीको रुपमा पाकिस्तानी पेसर शाहिन अफ्रिदी टिममा छन्।
टि-२० विश्वकप २०२१ को टिम अफ द टुर्नामेन्ट : डेभिड वार्नर ( अस्ट्रेलिया ) , जोस बटलर ( विकेटकिपर, इंग्ल्यान्ड ) , बाबर आजम ( कप्तान, पाकिस्तान ) , चरिथ असलंका ( श्रीलंका ) , एडेन मारक्रम ( दक्षिण अफ्रीका ) , मोईन अलि ( इंग्ल्यान्ड ) , वानिन्दु हसरंगा ( श्रीलंका ) , एडम जाम्पा ( अस्ट्रेलिया ) , जोश हेजलवुड ( अस्ट्रेलिया ) , ट्रेन्ट बोल्ट ( न्युजिल्यान्ड ) , एनरिक् नोर्किया ( दक्षिण अफ्रीका ) , बाह्रौं खेलाडी – शाहिन अफ्रिदी ( पाकिस्तान )
