काठमाडौं । नवौं संस्करणको टी-२० विश्वकपको उपाधीका लागि भारत र दक्षिण अफ्रिका भिड्दै छन् ।
वेस्ट इन्डिजको बारबाडोसमा हुने फाइनल भिड्न्त नेपाली समय अनुसार शनिबार बेलुका सवा आठमा सुरु हुदैछ ।
पहिलो पटक फाइनलमा स्थान बनाएको दक्षिण अफ्रिका भारतलाई पराजित गर्दै इतिहास रच्ने लक्ष्यमा छ । दक्षिण अफ्रिका यो विश्वकपमा अपराजित रहँदै फाइनल पुगेको हो । उसले यसअघि खेलेका आठै खेल जितेको थियो ।
उता, २००७ मा भएको पहिलो संस्करणको उपाधी विजेता भारत पनि दक्षिण अफ्रिकालाई हराउँदै उपाधी जित्ने लक्ष्यमा छ । २०१३ देखि आइसीसीको कुनै पनि प्रतियोगिता जित्न नसकेको भारत उपाधीको खडेरी तोड्न चाहन्छ । भारत पनि प्रतियोगितामा अपराजित रहेर फाइनल पुगेको हो ।
भारतले तेस्रो पटक फाइनल खेल्दैछ । यसअघि २००७ र २०१४ मा भारतले फाइनल खेलेको थियो ।
दक्षिण अफ्रिका सेमिफाइनलमा अफगानिस्तानलाई ९ विकेटले पराजित गरेको पहिलो पटक फाइनल प्रवेश गरेको हो ।
भारतले भने डिफेन्डिङ च्याम्पियन इंग्ल्याण्डलाई हराउँदै दश बर्ष पछि फाइनल यात्रा गरेको हो ।
टी-२० क्रिकेटमा दक्षिण अफ्रिका र भारत बीच २६ खेल भएका छन् । जसमध्ये भारतले १४ खेलमा र दक्षिण अफ्रिकाले ११ खेलमा जित हात पारेको छ । एउटा खेलको भने नतिजा आएको थिएन ।
टी-२० विश्वकपमा पनि दक्षिण अफ्रिकामाथि भारतको दबदबा छ । दुवै टोली ६ पटक भिडेका छन् जसमा भारतले चार खेल जितेको छ भने दक्षिण अफ्रिकाले दुई खेल जितेको छ ।
