अस्ट्रेलियामा जारि टि-ट्वान्टी विश्वकपको सुपर-१२ चरण अन्तर्गत समुह ‘१’ को न्युजिल्यान्ड र अफगानिस्तान बीचको खेल टस समेत नभई रद्द भएको छ।
मेलबर्न क्रिकेट ग्राउण्डमा लगातार वर्षाको कारण खेल रद्द हुँदा दुवै टिमले १/१ अंक बाँडेका छन्।
१ अंक पाएपछि समुह ‘१’ अंकतालिकामा न्युजिल्यान्ड ३ अंक सहित शिर्ष स्थानमा छ। २ खेलमा १ अंक बटुलेको अफगानिस्तान छैठौं स्थानमा छ। २ खेलमा १ जित र १ हार बेहोरेपछि समान १ अंक रहेता पनि नेट रन रेटको आधारमा श्रीलंका, इंग्ल्यान्ड, आयरल्याण्ड र अस्ट्रेलिया क्रमशः दोश्रो देखि पाँचौ स्थानमा छन्।
आफ्नो पहिलो खेलमा न्युजिल्यान्डले अस्ट्रेलियालाई ८९ रनले पराजित गरेको थियो। अफगानिस्तान पहिलो खेलमा इंग्ल्यान्डसंग ५ विकेटले पराजित भएको थियो।
आज सम्पन्न आयरल्याण्ड र इंग्ल्यान्ड बीचको पहिलो खेल पनि वर्षाले प्रभावित भएको थियो। डीएलएस मेथडमा आयरल्याण्डले इंग्ल्यान्ड बिरुद्ध ऐतिहासिक जित दर्ता गर्न सफल रह्यो।
विश्वकप अन्तर्गत बिहिबार तिन वटा खेल हुनेछन्। बिहान ८:४५ बजे दक्षिण अफ्रीका र बंगलादेश, दिउँसो १२:४५ बजे भारत र नेदरल्याण्ड तथा बेलुका ४:४५ बजे पाकिस्तान र जिम्बाब्वे प्रतिस्पर्धा गर्नेछन्।
