T20WC : वेस्टइन्डिज बिरुद्ध अस्ट्रेलियाको विशाल जित, सेमीफाइनल सम्भावना बलियो

वेस्टइन्डिजलाई ८ विकेटले पराजित गर्दै अस्ट्रेलियाले टि-ट्वान्टी विश्वकपको सेमीफाइनल पुग्ने सम्भावना बलियो बनाएको छ। सुपर-१२ चरणको अन्तिम खेलमा अस्ट्रेलियाले वेस्टइन्डिजलाई पराजित गर्दै पाँचौ खेलमा चौंथो जित दर्ता गरेको हो।

शेख जायद स्टेडियम, अबुधाबीमा वेस्टइन्डिजले दिएको १५८ रनको लक्ष्य अस्ट्रेलियाले २ विकेट गुमाएर १६.१ ओभरमै पुरा गारो। अस्ट्रेलियाको लागि ओपनर डेभिड वार्नरले सर्वाधिक ८५ रन बनाए जुन क्रममा ५४ बलमा ८ चौका र ४ छक्का प्रहार गरे। यस्तै मिचेल मार्शले ३२ बलमा ५ चौका र २ छक्का मद्दतले ५३ रन बनाए।

वार्नरले फिंचसंग ३३ रनको ओपनिंग तथा दोश्रो विकेटको लागि मार्शसंग १२५ रनको साझेदारी गरे। मार्शलाई सोह्रौं ओभरमा क्रिस गेलले क्याच आउट पारे। वेटइन्डिज बलर क्रिस गेल ( १-०-७-१ ) र अकेल होसेनले ( ४-०-२९-१ ) ले समान एक विकेट लिए।

टस हारेर ब्याटिंग गरेको वेस्टइन्डिजले २० ओभरमा ७ विकेट क्षेतीमा १५७ रन बनाएको थियो। वेस्टइन्डिजको ब्याटिंगमा कप्तान काईरन पोलार्डले सर्वाधिक ४४ रन बनाए जुन क्रममा ३१ बलमा ४ चौका र १ छक्का प्रहार गरे। इभिन लुइसले २९, शिमरन हेटमायरए २७, आन्द्रे रसेलले अविजित १८, क्रिस गेलले १५ रन तथा ड्वेन ब्राभोले १० रन बनाए। ३५ रनमा ३ विकेट गुमाएको अवस्थामा लुइस र हेटमायरले ३५ रनको तथा त्यसपछि पोलार्ड र ब्राभोले ३५ रनको साझेदारी गरे। अन्तिममा रसेलले आक्रामक सटहरु खेले।

अस्ट्रेलियाको बलिंगमा जोश हेजलवुडले सर्वाधिक ४ विकेट ( ४-०-३९-४ ) लिंदा मिचेल स्टार्क ( ४-०-३३-१ ) , प्याट कमिन्स ( ४-०-३७-१) र एडम जाम्पाले ( ४-०-२०-१ ) समान एक विकट लिए।

अंकतालिका र सेमीफाइनल समीकरण 

आजै हुने दोश्रो खेलमा इंग्ल्यान्डले दक्षिण अफ्रीकालाई पराजित गरेको खण्डमा समुह ‘१’ को दोश्रो स्थानमा रहँदै अस्ट्रेलिया सेमीफाइनल पुग्नेछ। दक्षिण अफ्रीकाले इंग्ल्यान्डलाई पराजित गरेको खण्डमा भने नेट रन रेटको आधारमा इंग्ल्यान्ड, अस्ट्रेलिया र दक्षिण अफ्रीका मध्ये दुई टिम सेमीफाइनल पुग्नेछ। दक्षिण अफ्रीकाले इंग्ल्यान्डलाई ६० रनको अन्तरले पराजित गरे नेट रन रेटमा अस्ट्रेलियालाई जित्नेछ। दक्षिण अफ्रीकाले इंग्ल्यान्ड बिरुद्ध पहिले ब्याटिंग गर्दै १६० रन बनाएको खण्डमा इंग्ल्यान्डलाई ९९ रनमा सिमित पार्नुपर्नेछ।  अस्ट्रेलियाको नेट रन रेट +१.२१६ रहेको छ भने दक्षिण अफ्रीकाको +०.७४२ रहेको छ।





थप समाचार

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]

पाँचपोखरीको लगातार दोस्रो जित, भोटेचौरकाे विजयी सुरूआत

काठमाडौं । पाँचपोखरी टी-ट्वान्टी क्रिकेट प्रतियोगिताको तेश्रो दिन पाँचपोखरी र भोटेचौर विजयी भएका छन् । तेस्रो दिनको पहिले खेलमा पाँचपोखरी […]

नामिबियाविरुद्ध नेपाल : सम्भावित प्लेईङ-११

काठमाडौं । मंगलबारबाट सुरु हुने नेपाल, नामिबिया र नेदरल्यान्ड्ससम्मिलित टी-ट्वान्टी आईको पहिलो खेलमा नेपाल र नामिबिया खेल्दै छन् । नेपाल […]