T20WC : डिफेन्डिङ च्याम्पियन वेस्टइन्डिजको यात्रा समाप्त, श्रीलंकाको जितमा हसरंगाको विश्वकीर्तिमान

श्रीलंकासंग २० रनले पराजित भएपछि वेस्टइन्डिजको टि-२० विश्वकपको सेमीफाइनल पुग्ने सम्भावना एक खेल अगावै समाप्त भएको छ। श्रीलंकाको सेमीफाइनल सम्भावना यस अघिनै टुंगिएको थियो।

शेख जायद स्टेडियममा सम्पन्न सुपर-१२ चरणको समुह ‘१’ को खेलमा श्रीलंकाले दिएको १९० रनको लक्ष्य पछ्याएको वेस्टइन्डिजले पुरै ओभर ब्याटिंग गरेता पनि ८ विकेट क्षेतीमा १६९ रन मात्र बनाउन सक्यो।

वेस्टइन्डिजको ब्याटिंगमा सिमरन हेटमायरले सर्वाधिक ८१ रन बनाए जुन क्रममा अविजित रहेका उनले ५४ बलमा ८ चौका र ४ छक्का प्रहर गरे। यस्तै निकोलस पुरनले ४९ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। अर्को किनारमा लगातार विकेट गुमेता पनि पाँचौं नम्बरमा ब्याटिंग गरेका हेटमायरले जित दिलाउने प्रयत्न जारि राखेका थिए। जित्न २ ओभरमा ५२ रन आवस्यक हुँदा हेटमायरले १९ औं ओभरमा चमिका करुनारत्नेलाई २ छक्का र चौका प्रहार गर्दै एक्लो दममा जिताउने प्रयास गरेका थिए। तर अन्तिम ओभरमा ३४ रन आवस्यक हुँदा दुश्मन्था चमिराले १३ रन मात्र खर्चिएपछि श्रीलंकाले जित दर्ता गर्यो।

श्रीलंकाको बलिंगमा बिनुरा फर्नान्डो ( २-०-२४-२ ) , चमिका करुनारत्ने ( ४-०-४३-२ ) र वानिन्दु हसरंगाले ( ४-०-१९-२ ) समान दुई विकेट तथा दुश्मन्था चमिरा र दासुन शनाकाले समान एक विकेट लिए।

दुई विकेट लिएका वानिन्दु हसरंगा टि-२० विश्वकप इतिहासमै एकै विश्वकपमा सर्वाधिक विकेट लिने बलर बनेका छन्। श्रीलंकाकै अजन्था मेन्डीसले सन् २०१२ विश्वकपमा लिएको १५ विकेटको रेकर्ड तोड्दै हसरंगाले ८ खेलमा १६ विकेट लिंदै विश्वकीर्तिमान बनाएका हुन्।

टस हारेर ब्याटिंग गरेको श्रीलंकाले २० ओभरमा ३ विकेट क्षेतीमा १८९ रन बनाएको थियो। श्रीलंकाको ब्याटिंगमा चरिथ असलंकाले सर्वाधिक ६८ रन बनाए जुन क्रममा ४१ बलमा ८ चौका र १ छक्का प्रहार गरे। यस्तै पथुम निसंकाले ५१, दासुन शनाकाले २५ तथा कुशल परेराले २५ रन बनाए। निसंकाले परेरासंग ४२ रनको ओपनिंग साझेदारी तथा दोश्रो विकेटको लागि असलंकासंग ९१ रनको साझेदारी गरे। त्यसपछि असलंका र शनाकाले ४६ रनको साझेदारी गरे। वेस्टइन्डिज बलर आन्द्रे रसेलले २ तथा ड्वेन ब्राभोले १ विकेट लिए।

श्रीलंकाको जितसंगै वेस्टइन्डिज एक खेल अगावै समुह ‘१’ बाट सेमीफाइनल दौडबाट बाहिर भएको छ। बंगलादेश र श्रीलंकाको सम्भावना यस अघिनै टुंगिसकेको थियो।  जितपछि ५ खेलमा २ जित र ३ हार बेहोरेको श्रीलंका ४ अंक सहित समुह ‘१’ अंकतालिकाको चौंथो स्थानमा यथावत छ। वेस्टइन्डिज ४ खेलमा १ जित र ३ हार पछि २ अंक सहित पाँचौ स्थानमा छ।

समुह ‘१’ बाट इंग्ल्यान्ड, अस्ट्रेलिया र दक्षिण अफ्रीका मध्ये शिर्ष दुई टिम सेमीफाइनल प्रवेश गर्नेछन्। अन्तिम खेलमा इंग्ल्यान्ड दक्षिण अफ्रीकासंग पराजित भएता पनि नेट रन रेट निकै राम्रो ( +३.१८३ ) रहेकोले इंग्ल्यान्ड सेमीफाइनल पुग्ने निश्चित जसो छ। यदी अस्ट्रेलियाले वेस्टइन्डिजलाई अन्तिम खेलमा पराजित गर्यो तथा दक्षिण अफ्रीकाले पनि इंग्ल्यान्डलाई पराजित गर्यो भने इंग्ल्यान्ड, अस्ट्रेलिया र दक्षिण अफ्रीकाको बराबर ८ अंक हुनेछ जुन अवस्थामा नेट रन रेटमा अघि हुने दुई टिम सेमीफाइनल पुग्नेछ।

समुह ‘१’ को अन्तिम दुई खेल नोभेम्बर ६ तारिख शनिवार खेलिनेछ। दिनको पहिलो खेलमा अस्ट्रेलिया र वेस्टइन्डिज तथा दोश्रो खेलमा इंग्ल्यान्ड र दक्षिण अफ्रीका बीच प्रतिस्पर्धा हुनेछ।





थप समाचार

गल्फद्वारा दीपेन्द्रलाई रिटेन

काठमाडौं । युएईमा आयोजना हुने अन्तराष्ट्रिय टी-२० लिग क्रिकेट लिगमा गल्फ जायन्ट्सले नेपालका दीपेन्द्रसिंह ऐरीलाई आगामी संस्करणका लागि रिटेन गरेको […]

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]