T20WC : बटलरको कीर्तिमानी अर्धशतक, इंग्ल्यान्डको शानदार जित

जोस बटलरले २५ बलमै अर्धशतक बनाउदा अस्ट्रेलिया बिरुद्ध ८ विकेटको शानदार जित दर्ता गर्दै लगातार तेश्रो जितको साथ इंग्ल्यान्डले टि-२० विश्वकपको सेमीफाइनल पुग्ने सम्भावना बलियो बनाएको छ।

दुबई अन्तर्राष्ट्रिय स्टेडियममा अस्ट्रेलियाले दिएको १२६ रनको लक्ष्य इंग्ल्यान्डले मात्र २ विकेट गुमाएर ५० बल बाँकी रहँदै भेटायो। बल बाँकि रहेको आधारमा इंग्ल्यान्डको टि-२० अन्तर्राष्ट्रियमा अस्ट्रेलिया बिरुद्ध सबैभन्दा ठूलो जित हो भने समग्रमै तेश्रो ठूलो जित हो।

इंग्ल्यान्डको लागि ओपनर जोस बटलरले आक्रामक इनिंग्स खेल्ने क्रममा मात्र ३२ बलमा ५ चौका र ४ छक्का मद्दतले अविजित ७१ रन बनाए। उनले २५ बलमा अर्धशतक पुरा गरेका थिए। २५ बलको अर्धशतक टि-२० विश्वकपमा इंग्ल्यान्ड ब्याट्सम्यानको संयुक्तरुपमा सबैभन्दा छिटो अर्धशतक हो। ओएन मोर्गनले २०१२ टि-२० विश्वकपमा वेस्टइन्डिज बिरुद्ध २५ बलमा अर्धशतक बनाएका थिए। यस्तै यो अर्धशतक जारि विश्वकपको सबैभन्दा छिटो अर्धशतक हो।

लक्ष्य पछ्याउने क्रममा ओपनर जेसन रोय र जोस बटलरले ६६ रनको ओपनिंग साझेदारी गर्दै जितको आधार तयार गरे। पावरप्लेको ६ ओभरमा इंग्ल्यान्डले विकेट नगुमाई ६६ रन बनायो। सातौँ ओभरमा २२ रन बनाएका रोयलाई एडम जाम्पाले एलबिडब्लु पारे। त्यसपछि पनि बटलरले आक्रामक ब्याटिंग जारि राख्दै जितको दिशा दिए। दशौँ ओभरमा डेविड मलान ८ रन बनाएर आउट भएपछि बटलरले एघारौं ओभरमा एडम जाम्पालाई ३ छक्का प्रहार गर्दै छिटो जित दिलाए। जोनी बेयरस्टोले अविजित २० रन बनाए।

यस अघि टस हारेर ब्याटिंग गरेको अस्ट्रेलियाले २० ओभरमा सबै विकेट गुमाएर १२५ रन बनाएको थियो। उसको लागि कप्तान आरोन फिन्चले सर्वाधिक ४४ रन बनाए भने एस्टन एगरले २०, म्याथु वेडले १८, मिचेल स्टार्कले १३ तथा प्याट कमिन्सले १२ रन योगदान दिए।

खराब सुरुवात गरेको अस्ट्रेलियाले पहिलो ४ विकेट २१ रनमै गुमाएको थियो। ओपनर फिन्चले त्यसपछि वेडसंग ३१ रनको तथा एगरसंग ४७ रनको साझेदारी गरे। डेथ ओभरमा पुनः अस्ट्रेलियाले लगातार विकेट गुमाउन पुग्यो। उन्नाईसौं ओभरमा फिन्चलाई जोर्डनले क्याच आउट गराए। अन्तिम ३ ओभरमा अस्ट्रेलियाले पुनः लगातार विकेट गुमाउन पुग्यो।

इंग्ल्यान्ड बलर करिस जोर्डनले सर्वाधिक ३ विकेट लिए जुन क्रममा ४ ओभरमा १७ रन मात्र खर्चिए। क्रिस वोक्स ( ४-०-२३-२ ) र टाईमल मिल्सले ( ४-०-४५-२ ) ले समान दुई विकेट लिए भने आदील रशिद ( ४-०-१९-१ ) र लियाम लिभिंगस्टोनले ( ४-०-१५-१ ) समान एक विकेट लिए।

लगातार तेश्रो जितपछि सुपर-१२ चरणको समुह ‘१’ अंकतालिकामा इंग्ल्यान्ड ६ अंक सहित शिर्ष स्थानमा कायमै छ। ३ खेलमा समान २ जित र १ हार बेहोरेका दक्षिण अफ्रीका र अस्ट्रेलिया नेट रन रेटको आधारमा दोश्रो र तश्रो स्थानमा छन्। श्रीलंका र वेस्टइन्डिज २ अंक सहित चौंथो र पाँचौ तथा बंगलादेश तिन वटै हार पछि छैठौं स्थानमा छ। इंग्ल्यान्डले आगामी खेल नोभेम्बर १ तारिखमा श्रीलंकासंग तथा अस्ट्रेलियाले नोभेम्बर ४ तारिखमा बंगलादेशसंग खेल्ने तालिका रहेको छ।

अंकतालिका 





थप समाचार

नेपालमाथि पाकिस्तानको सहज जित

काठमाडौं । श्रीलंकामा जारी नवौं संस्करणको एसिया कपको दोस्रो खेलमा नेपालमाथि पाकिस्तानले सहज जित निकालेको छ । श्रीलंकाको डम्बुलामा भएको […]

ऐतिहासिक रुपमा सेमिफाइनल पुग्न नेपालले दियो १०९ रनको लक्ष्य

काठमाडौं । एसिया कपको ईतिहासमा पहिलो पटक सेमिफाइनलमा स्थान बनाउँन नेपालले पाकिस्तानलाई १ सय ९ रनको लक्ष्य दिएको छ । […]

नेपालले टस हार्यो, पहिले ब्याटिङ गर्दै

काठमाडौं । श्रीलंकामा जारी एसीसी महिला एसिया कपमा नेपालले पाकिस्तानविरुद्ध टस हारेको छ । पाकिस्तानकी कप्तान निदा दारले टस जितेर […]

यसरी पुग्नेछ नेपाल एसिया कपको सेमिफाइनलमा…

काठमाडौं । श्रीलंकामा जारी नवौं संस्करणको एसिया कपमा नेपालले युएईलाई पराजित गर्दै ऐतिहासिक जित निकालेको थियो । आफ्नो पहिलो खेलमा […]

नामिबियामाथी स्कटल्याण्डको सहज जित

काठमाडौं । नामिबियामाथि स्कटल्यान्डले विश्वकप लिग टू सिरिज अन्तर्गतको खेलमा जित हात पारेको छ । लिग टू सिरिज अन्तर्गत स्कटल्यान्डमा […]

पाकिस्तानलाई हराउँदै सेमिफाइनलमा स्थान बनाउँने लक्ष्यमा नेपाल

काठमाडौं । श्रीलंकामा जारी रहेको नवौं संस्करणको एसीसी महिला एसिया कपको आफ्नो दोस्रो खेलमा नेपालले पाकिस्तानको सामना गर्दैछ । नेपाल […]