टि-ट्वान्टी विश्वकप २०२१ अन्तर्गत दोश्रो सेमीफाइनलमा पाकिस्तान र अस्ट्रेलिया प्रतिस्पर्धा गर्दैछन्। पहिलो सेमीफाइनलमा न्युजिल्यान्डले इंग्ल्यान्डलाई पराजित गर्दै फाइनल प्रवेश गरिसकेको छ।
दुबई अन्तर्राष्ट्रिय स्टेडियममा टस जितेर अस्ट्रेलियाले पाकिस्तानलाई ब्याटिंगको निम्तो दिएको छ। अस्ट्रेलिया र पाकिस्तान दुवैले आफ्नो अन्तिम-११ मा परिवर्तन गरेको छैन।
पाकिस्तानको अन्तिम ११ : Mohammad Rizwan(w), Babar Azam(c), Fakhar Zaman, Mohammad Hafeez, Shoaib Malik, Asif Ali, Shadab Khan, Imad Wasim, Hasan Ali, Haris Rauf, Shaheen Afridi
अस्ट्रेलियाको अन्तिम ११ : David Warner, Aaron Finch(c), Mitchell Marsh, Steven Smith, Glenn Maxwell, Marcus Stoinis, Matthew Wade(w), Pat Cummins, Mitchell Starc, Adam Zampa, Josh Hazlewood
पाकिस्तान सुपर-१२ चरणको सबै ५ खेलमा जित दर्ता गर्दै समुह ‘२’ को विजेताको रुपमा सेमीफाइनल पुगेको हो। यस क्रममा उसले भारतलाई १० विकेटले, न्युजिल्यान्ड र अफगानिस्तानलाई समान ५ विकेटले, नामिबियालाई ४५ रनले तथा स्कटल्याण्डलै ७२ रनले पराजित गर्यो।
अस्ट्रेलिया सुपर-१२ चरणमा ५ मध्ये ४ खेलमा जित दर्ता गर्दै समुह ‘१’ को उपविजेताको रुपमा सेमीफाइनल पुगेको हो। इंग्ल्यान्डसंग ८ विकेटले पराजित भएको अस्ट्रेलियाले अन्य खेल जित्ने क्रममा दक्सिना अफ्रीकालाई ५ विकेटले , श्रीलंकालाई ७ विकेटले तथा वेस्टइन्डिज र बंगलादेशलाई समान ८ विकेटले पराजित गर्यो।
हेड टु हेड : टि-ट्वान्टी अन्तर्राष्ट्रिय क्रिकेट इतिहासमा दुई टिम २३ पटक आमने-सामने भएका छन् जसमा १३ खेल पाकिस्तानले जित्दा ९ खेल अस्ट्रेलियाले जितेको छ। टि-२० विश्वकपमा खेलिएको ६ खेलमा दुवै टिमले समान ३ खेल जितेका छन्। अन्तिम पटक दुई टिम सन् २०१६ टि-२० विश्वकपमा भेट हुँदा अस्ट्रेलिया २१ रनले विजयी भएको थियो। दुई देश बीच अन्तिम ५ खेलको कुरा गर्दा पाकिस्तान ३ खेलमा तथा अस्ट्रेलिया २ खेलमा विजयी भएको छ। सन् २०१० टि-२० विश्वकपको सेमीफाइनलमा अस्ट्रेलियाले पाकिस्तानलाई पराजित गरेको थियो।
