T20WC : भारतको कीर्तिमानी विशाल जित, नेट रन रेटमा फड्को ( अंकतालिका सहित )

स्कटल्याण्डलाई ८ विकेटले पराजित गर्दै टि-ट्वान्टी विश्वकप २०२१ मा भारतले लगातार दोश्रो जित दर्ता गरेको छ। पहिलो र दोश्रो खेलमा पाकिस्तान र न्युजिल्यान्डसंग पराजित भएको भारतले तेश्रो खेलमा अफगानिस्तानलाई पराजित गरेको थियो।

दुबई अन्तर्राष्ट्रिय स्टेडियममा स्कटल्याण्डले दिएको ८६ रनको लक्ष्य भारतले भारतले ४३ बलमा खेल जिते नेट रन रेटमा अफगानिस्तान र न्युजिल्यान्ड दुवैलाई पछि पार्ने थियो। सोहि अनुरुप ब्याटिंग गर्दै भारतले खेल ६.३ ओभरमै जित्यो। ८१ बल बाँकी रहँदैको जित भारतको जित बल बाँकी रहेको आधारमा उसको टि-ट्वान्टी अन्तर्राष्ट्रिय इतिहासकै सबैभन्दा ठूलो जित हो। भारतको यस अघि सबैभन्दा ठूलो जित २०१६ मा युएई बिरुद्ध ५९ बल बाँकी रहँदैको जित थियो।

भारतको जितमा केएल राहुलले सर्वाधिक ५० रन बनाए जुन क्रममा १९ बलमा ६ चौका र ३ छक्का प्रहार गरे। उनले मात्र १८ बलमा अर्धशतक पुरा गरेका थिए जुन टि-२० अन्तर्राष्ट्रियमा युवराज सिंहको १२ बलको अर्धशतक पछि दोश्रो छिटो अर्धशतक हो। यस्तै रोहित शर्माले १६ बलमा ५ चौका र १ छक्का मद्दतले ३० रन बनाए। रोहित र राहुलले मात्र ५ ओभरमा ७० रनको साझेदारी गरे। पाँचौ ओभरको अन्तिम बलमा रोहितलाई ब्राडले व्हिलले एलबिडब्लु पारे। त्यसपछि राहुल अर्धशतक पुरा गरेलगत्तै मार्क वाटबाट क्याच आउट भए जति बेला जित्न ४ रन आवस्यक थियो। सुर्यकुमार यादवले छक्का प्रहार गर्दै जित दिलाए।

टस हारेर ब्याटिंग गरेको स्कटल्याण्डले १७.४ ओभरमा ८५ रन बनाएको थियो। उसको लागि जर्ज मुनसेले सर्वाधिक २४ रन, माइकल लिस्कले २१, कलम म्याकलोयडले १६ तथा मार्क वाटले १४ रन बनाए। २९ रनमा ४ विकेट गुमाएको अवस्थामा म्याकलोयडले लिस्कसंग २९ रन तथा वाटसंग १८ रनको साझेदारी गरे। ८१ रनमा ६ विकेट गुमाएको स्कटल्याण्डले थप ४ रन बनाउदा सम्पूर्ण विकेट गुमाउन पुग्यो।

भारतीय बलर रभीन्द्र जडेजाले टि-२० विश्वकपमा व्यक्तिगत उत्कृस्ट स्पेल दर्ता गर्ने क्रममा सर्वाधिक ३ विकेट ( ४-०-१५-३ ) लिए। यस्तै मोहम्मद शामीले पनि ३ विकेट लिने क्रममा ३ ओभरमा १ मेडन ओभर गर्दै १५ रन मात्र खर्चे। जस्प्रित बुम्राहले २ विकेते ( ३.४-१-१०-२ ) तथा रभीचन्द्रन आश्विनले १ विकेट ( ४-०-२९-१ ) लिए।

अंकतालिका र विश्वकप पुग्ने समीकरण :

समुह ‘२’ बाट पाकिस्तान एक खेल बाँकी रहँदै सेमीफाइनल प्रवेश गरिसकेको छ भने न्युजिल्यान्ड, अफगानिस्तान र भारत मध्ये एक टिम सेमीफाइनल पुग्ने दोश्रो टिम हुनेछ।  समुह ‘१’ अन्तर्गत अब तिन खेल बाँकी रहेका छन्। नोभेम्बर ७ तारिखमा  न्युजिल्यान्ड र अफगानिस्तान तथा पाकिस्तान र स्कटल्याण्ड प्रतिस्पर्धा गर्नेछन् भने नोभेम्बर ८ तारिखमा भारत र नामिबिया बीच खेल हुनेछ।

स्कटल्याण्ड बिरुद्ध खेल अघि भारतको नेट रन रेट +०.०७३ थियो भने जितपछि +१.६१९ पुगेको छ। न्युजिल्यान्डको नेट रन रेट +१.२७७ र अफगानिस्तानको +१.४८१ छ। भारतको सेमीफाइनल सम्भावना अफगानिस्तानको प्रदर्शनमा निर्भर गर्नेछ। अफगानिस्तानले न्युजिल्यान्डलाई पराजित गरेमा भारत र अफगानिस्तान मध्ये नेट रन रेटमा अघि हुने टिम सेमीफाइनल पुग्नेछ।

यदी न्युजिल्यान्डले अफगानिस्तानलाई पराजित गरेको खण्डमा न्युजिल्यान्ड ८ अंक सहित सेमीफाइनल प्रवेश गर्नेछ। यदी अफगानिस्तानले न्युजिल्यान्डलाई पराजित गर्यो र साथै भारत पनि नामिबियालाई पराजित गरेको खण्डमा न्युजिल्यान्ड बाहिर हुनेछ भने अफगानिस्तान र भारत मध्ये नेट रन रेटमा अघि हुने टिम सेमीफाइनल पुग्नेछ। न्युजिल्यान्डको नेट रन रेट ( +१.२७७ ) , अफगानिस्तान ( +१.४८१ ) र भारतको भन्दा कम हुँदा न्युजिल्यान्ड सेमीफाइनल पुग्न अफगानिस्तानलाई पराजित गर्नु बाहेक बिकल्प छैन।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]