टेलर र राजाको शतकले जिम्बाबेद्वारा नेपाललाई बिशाल चुनौती

आज देखि जिम्बाबेमा सुरु भएको बिश्वकप छनौट प्रतियोगिता अन्तर्गत पहिलो खेलमा नेपालले आयोजक जिम्बाबेको सामना गरिरहेको छ।

जिम्बाबेले पहिले ब्याटिंग गर्दै नेपाललाई ३८१ रनको बिशाल लक्ष्य प्रस्तुत गरेको छ। टस जितेर ब्याटिंग गरेको घरेलु टिमले पुरै ५० ओभरमा मात्र ६ विकेट गुमाएर ३८० रनको योगफल तयार गरेको हो।

क्विन्स स्पोर्ट्स क्लब बुलावायोमा टस जितेर ब्याटिंग गरेको जिम्बाबेले आक्रामक सुरुवात गर्यो। पहिलो विकेटको लागि ओपनर केफास झुवावो सोलोमोन मिरेले ७ ओभरमै ७७ रनको साझेदारी गरे। सन्दिप लामिछानेले आठौँ ओभरको पहिलो बलमा झुवावोलाई ४१ रनको व्यक्तिगत स्कोरमा एलबिडब्लु धरापमा पार्दै नेपाललाई पहिलो सफलता दिलाएका थिए। झुवावोले मात्र २३ बलमा ३ चौका र ४ छक्का प्रहार गरे।

Nepal vs Zimbabwe
Nepal vs Zimbabwe

पहिलो विकेट गुमेपछि सोलोमोन मिरे र ह्यामिल्टन मासाकाट्जाले दोश्रो विकेटको लागि ३१ रनको साझेदारी गरे जुन बसन्त रेग्मीले तोडे। मासाकाट्जालाई १७ रनको स्कोरमा बसन्त रेग्मीले आफ्नै बलमा आफैले क्याच आउट गरे। मासाकाट्जाको विकेट लगतै ओपनर मिरेलाई पनि १५ औं ओभरमा बसन्तले विकेट किपर दिलिप नाथबाट स्टम्प आउट गराए। अर्धशतक बनाएका मिरेले ४१ बलमा ५ चौका र ३ छक्का प्रहार गरे।

तेश्रो विकेट गुमेपछि ब्याटिंग गर्न आएका ब्रेण्डन टेलर र क्रेग इर्भिनले चौथो विकेटको लागि ८७ रनको साझेदारी गर्दै टिमको स्कोर २०० पुर्याए। इर्भिनलाई नेपालको लागि पहिलो खेल खेलीरहेका ललित राजबंशीले विकेट किपर दिलिपको हातबाट क्याच आउट गराउदै रास्ट्रिय टिमको लागि विकेटको खाता खोलेका थिए।

इर्भिनको विकेट पछि टेलर र सिकन्दर राजाले उत्कृस्ट ब्याटिंग गर्दै टिमको स्कोर ३५० पार गराए।

पाँचौ विकेटको लागि राजा र टेलरले १७३ रनको बिशाल साझेदारी गरेपछि ४९ औं ओभरमा सोमपाल कामिले लगातार बलमा राजा र टेलरको विकेट लिएपनि गर्नु विध्वंश दुवै ब्याट्सम्यानले गरिसकेका थिए।

टेलरले १०० रनको इनिंग खेल्ने क्रममा ९१ बलमा ७ चौका र १ छक्का प्रहार गरे भने राजाले १२३ रन बनाउन मात्र ६६ बलमा ९ छक्का र ७ चौका प्रहार गर्दै नेपाली बलरहरुलाई निराश बनाए।

शतक प्रहार गरेपछि ब्रेण्डन टेलर

नेपालको लागि बसन्त रेग्मी र सोमपाल कामिले समान २/२ विकेट हात पारे भने सन्दिप लामिछाने र ललित राजबंशीले पनि १/१ विकेट दिलाए। सोमपालले ८ ओभरमा ८२ रन खर्चिए भने रेग्मीले १० ओभरमा १ मेडन ओभर फाल्दै ६९ रन खर्चिए। सन्दिपले ९ ओभर ६४ रन तथा ललितले १० ओभरमा ६२ रन दिए। महँगो साबित भएका पारस खड्काले ५ ओभरमा ५७ रन खर्चिए।

स्कोरकार्ड हेर्नुस 

शतक बनाएपछि सिकन्दर राजा

Nepal vs Zimbabwe
Nepal vs Zimbabwe

Lalit Rajbanshi
Lalit Rajbanshi




थप समाचार

नेपालमाथि पाकिस्तानको सहज जित

काठमाडौं । श्रीलंकामा जारी नवौं संस्करणको एसिया कपको दोस्रो खेलमा नेपालमाथि पाकिस्तानले सहज जित निकालेको छ । श्रीलंकाको डम्बुलामा भएको […]

ऐतिहासिक रुपमा सेमिफाइनल पुग्न नेपालले दियो १०९ रनको लक्ष्य

काठमाडौं । एसिया कपको ईतिहासमा पहिलो पटक सेमिफाइनलमा स्थान बनाउँन नेपालले पाकिस्तानलाई १ सय ९ रनको लक्ष्य दिएको छ । […]

नेपालले टस हार्यो, पहिले ब्याटिङ गर्दै

काठमाडौं । श्रीलंकामा जारी एसीसी महिला एसिया कपमा नेपालले पाकिस्तानविरुद्ध टस हारेको छ । पाकिस्तानकी कप्तान निदा दारले टस जितेर […]

यसरी पुग्नेछ नेपाल एसिया कपको सेमिफाइनलमा…

काठमाडौं । श्रीलंकामा जारी नवौं संस्करणको एसिया कपमा नेपालले युएईलाई पराजित गर्दै ऐतिहासिक जित निकालेको थियो । आफ्नो पहिलो खेलमा […]

नामिबियामाथी स्कटल्याण्डको सहज जित

काठमाडौं । नामिबियामाथि स्कटल्यान्डले विश्वकप लिग टू सिरिज अन्तर्गतको खेलमा जित हात पारेको छ । लिग टू सिरिज अन्तर्गत स्कटल्यान्डमा […]

पाकिस्तानलाई हराउँदै सेमिफाइनलमा स्थान बनाउँने लक्ष्यमा नेपाल

काठमाडौं । श्रीलंकामा जारी रहेको नवौं संस्करणको एसीसी महिला एसिया कपको आफ्नो दोस्रो खेलमा नेपालले पाकिस्तानको सामना गर्दैछ । नेपाल […]