रोमान्चक खेलमा तिलाठी कोइलाडीलाई पराजित गर्दै डाक्नेश्वरी एसपीएलको फाइनलमा

अत्यन्त रोमान्चक खेलमा तिलाठी कोइलाडी ड्रागनलाई २ रनले पराजित गर्दै डाक्नेश्वरी ड्रागन मेयर कप सप्तरी प्रिमियर लिग दोश्रो संस्करणको फाइनल प्रवेश गरको छ।

लिग चरणको अन्तिम खेलमा तिलाठी र डाक्नेश्वरी मध्ये विजेता टिमले फाइनल प्रवेश गर्ने समीकरण बनेको थियो। मेहबुब आलम कप्तानीको रुपनी राइडर्स यसअघिनै फाइनल प्रवेश गरिसकेको थियो।

पहिले ब्याटिंग गर्दै डाक्नेश्वरीले १९.५ ओभरमा सबै विकेट गुमाएर १०१ रन बनाउन सक्यो। १०२ रनको लक्ष्य पछ्याउने क्रममा तिलाठीले २० ओभर ब्याटिंग गरे पनि सबै विकेट गुमाएर ९९ रन मात्रै बनाउन सक्यो।

अन्तिम २ ओभरमा तिलाठीलाई जितको लागि १२ बलमा ९ रन आवस्यक थियो भने १ विकेट बाँकी थियो। १९ औं ओभरमा राहुल मण्डलले मात्र ३ रन खर्चिंदा अन्तिम ओभरमा मात्र ७ रन बाँकी रह्यो। अन्तिम ओभरमा बलिंग गरेका चित्र बहादुर बिस्टले लगातार ३ बल डट गरे भने चौथो बलमा २ रन दिंदा पाँचौ बल डट गरे। त्यसपछिको बल वाइड गरेपछि अन्तिम बलमा ३ रन आवस्यक हुँदा कमल ओली ठुलो सट खेल्ने चक्करमा क्याच आउट हुन पुगेका थिए।

Robin Singh

लिग चरणको खेल सकिंदा अंकतालिकामा रुपनी राइडर्स ४ खेलमा ३ जित र १ नतिजाविहिन अंकसहित ७ अंक बटुल्दै शिर्षस्थानमा रह्यो। यस्तै ४ खेलमा ३ जित र १ हार बेहोरेको डाक्नेश्वरी ६ अंक बटुल्दै दोश्रो स्थानमा रह्यो। तिलाठी कोइलाडी र बोदे बर्साइनको ३/३ अंक रह्यो भने डिफेन्डिंग च्याम्पियन बजाज खडक वारियर्स जित विहिन रहँदै अंकतालिकाको पुछारमा रह्यो।

प्रतियोगिताको फाइनल खेलमा सोमबार दिउसो १२ बजे मेहबुब आलम कप्तानको रुपनी राइडर्स र पुष्प थापा कप्तानीको डाक्नेश्वरी ड्रागन बीच खेलिनेछ। लिगको विजेताले २ लाख तथा उप-विजेता टिमले १ लाख रुपैयाँ प्राप्त गर्नेछ।

डाक्नेश्वरीले दिएको १०२ रनको लक्ष्य पछ्याउने क्रममा तिलाठी कोइलाडीको लागि रोहन बिकले सर्वाधिक २५ रन, सुरज पटेलले १८, कमल ओली र प्रशान्त राइले १४ रन तथा विकास दासले १३ बनाए भने राष्ट्रिय खेलाडी समेत रहेका सुनिल धमलाले २ रन मात्रै बनाउन सके।

सुनिल धमलाको विकेट लिएपछि रोबिन सिंह धमलासंग

डाक्नेश्वरीका बलरहरुले अनुशाशित बलिंग प्रदर्शन गरे जसको लागि रोबिन सिंहले सर्वाधिक ४ विकेट लिए। उनले ४ ओभरमा १९ रन मात्र खर्चिए। यस्तै राहुल मण्डलले २ विकेट तथा चित्र बहादुर बिस्ट र दिपेश कंडेलले १/१ विकेट लिए।

यस अघि टस हारेर ब्याटिंग गर्ने क्रममा डाक्नेश्वरीको लागि राहुल मण्डलले सर्वाधिक २५, चित्र बहादुर बिस्टले २०, रोबिन सिंहले १३ तथा प्रेम तामांगले १० रन बनाएका थिए। तिलाठीको लागि बलिंगमा कमल ओलीले ४ विकेट लिएका थिए जुन क्रममा ४ ओभरमा ९ रन मात्र खर्चिए। विकास दास र सुनिल धमलाले २/२ तथा रोहित सिंह र अनिल यादबले १/१ विकेट लिए।

Player of the match Robin Singh





थप समाचार

नेपाल डिपि लिमिटेड र लुम्बिनी लायन्सबीच सम्झौता

नेपाल डिपि लिमिटेडले आगामी नेपाल प्रिमियर लिग २०८१ को लागि लुम्बिनी लायन्स फ्रेंचाइजसँग साझेदारी गरेको छ । नेपाल डिपि लिमिटेड […]

८ वर्षपछि एमपीएलको तेस्रो संस्करणको तयारी

मधेश प्रदेशमा मधेश प्रिमियर लिग (एमपीएल) तेस्रो संस्करणको क्रिकेट प्रतियोगिता आयोजना हुन लागेको छ । लिगको दोस्रो संस्करण भएको आठ […]

यु-१९ एसिया कप : लगातार दोश्रो हार पछि नेपालको सेमीफाइनल सम्भावना समाप्त

युएईमा जारी यू-१९ एसिया कपमा नेपालले लगातार दोस्रो हार बेहोरेको छ । पहिलो खेलमा श्रीलंकासँग ५५ रनले पराजित भएको नेपाल […]

एनपीएल : उद्घाटन खेलमा सन्दिपको टिम बिराटनगर जनकपुरसंग ८ विकेटले पराजित

नेपाल प्रिमियर लिगको उद्घाटन खेलमा अनिल शाह कप्तानीको जनकपुर बोल्ट्सले विजयी सुरुवात गर्ने क्रममा सन्दिप लामिछाने कप्तानीको टिम बिराटनगर किंग्सलाई […]

शिखर धवन भन्छन्ः ‘एनपिएलमा स्थानीय खेलाडीसँगै उत्कृष्ट प्रदर्शन गर्न तयार छु’

काठमाडौं । कर्णाली याक्सबाट एनपिएल खेल्न नेपाल आईपुगेका स्टार भारतीय क्रिकेटर शिखर धवनले स्थानीय खेलाडीसँग खेल्न र उत्कृष्ट प्रदर्शन गर्न […]

लुम्बिनी लायन्स र रिलायन्स फाइनान्स बीच प्रायोजन सम्झौता

नेपालका प्रमुख वित्तीय संस्थाहरूमध्ये एक, रिलायन्स फाइनान्स लिमिटेडले आगामी नेपाल प्रिमियर लिग (एनपीएल) को लुम्बिनी लायन्स फ्रेन्चाइजसँग प्रायोजन सम्झौता गरेको […]