लगातार आठौँ जित दर्ता गर्दै ट्रिनबागो नाइट राइडर्स सिपिएल टि-२० को सेमीफाइनल स्थान सुरक्षित गरेको छ। बुधबार राति सम्पन्न खेलमा काइरन पोलार्ड कप्तानीको नाइट राइडर्सले सेन्ट किट्स एन्ड नेभिस पेट्रिएट्सलाई ५९ रनले पराजित गर्यो। सेन्ट किट्सको यो लगातार चौथो हार हो।
सेन्ट किट्सको कमजोर ब्याटिंग
ब्रायन लारा स्टेडियममा सम्पन्न खेलमा टस हारेर ब्याटिंग गर्दै ट्रिनबागोले दिएको १७५ रनको लक्ष्य पछ्याउने क्रममा सेन्ट किट्सले २० ओभर ब्याटिंग गरेता पनि ७ विकेट गुमाएर ११५ रन मात्र बनाउन सक्यो।
सेन्ट किट्सलाई सानो योगफलमा सिमित गर्न ट्रिनबागोका अफस्पिनर सिकन्दर राजाले १५ रन खर्चेर ३ विकेट लिए। यस्तै अकेल होसेन ( १/१५ ) , खरी पिएरे ( १/२८ ) , प्रभिन ताम्बेले ( ४-१-१२-१ ) र ड्वेन ब्राभोले(१/१७) समान १ विकेट लिए।
सेन्ट किट्सको लागि ओपनर क्रिस लिनले ३४ तथा जोशुवा दा सिल्भाले २९ तथा रायद इम्रिटले १३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। दोश्रो विकेटको लागि लिन र दा सिल्भाले गरेको ५७ रनको साझेदारी पछि उसले लगातार विकेट गुमाएको थियो।
सिमोन्सको उत्कृस्ट इनिंग
टस हारेर ब्याटिंग गर्ने क्रममा ट्रिनबागोले २० ओभरमा ४ विकेट गुमाएर १७४ रन बनाएको थियो।
ट्रिनबागो लागि ओपनर लेन्डल सिमोन्सले शानदार ब्याटिंग गर्ने क्रममा ९६ रन बनाए। इनिंगको अन्तिम ओभरमा आउट हुनु अघि उनले ६३ बलमा ७ चौका र ६ छक्का प्रहार गरे। डेरेन ब्राभोले ३६ रन बनाए।ब्राभो र सिमोन्सले दोश्रो विकेटको लागि १४४ रनको ठूलो साझेदारी गरेका थिए।
सेन्ट किट्सका बलर डोमिनिक ड्रेक्सले २ तथा शेल्डन कटरेलले १ विकेट लिए।
अंकतालिका
लगातार ८ जित सहित ट्रिनबागो १६ अंकका साथ अंकतालिकाको शिर्ष स्थानमा छ भने सेन्ट किट्सको ८ खेलमा १ जित र ७ हार पछि २ अंक सहित पुछारमा कायम छ। अंकतालिकामा शिर्ष ४ स्थानमा हुने टिमले सेमीफाइनलमा स्थान बनाउनेछ।
यो पनि पढ्नुस :-
https://wicketnepal.com/lpl-t20-in-november-announc-wn20/
https://wicketnepal.com/suresh-raina-interview-ipl-wn20/
https://wicketnepal.com/bigbash-league-sunam-stuwart-mcgill-wn20/
https://wicketnepal.com/malinga-not-to-play-ipl-wn20/
https://wicketnepal.com/pradeep-airee-best-perf-wn20/
https://wicketnepal.com/engl-leave-out-joe-root-for-australia-t20is/
https://wicketnepal.com/bradman-11-records-unbreakable-wn20/
