रेकर्ड योगफल बनाउदा ट्रिनबागो विजयी, एकै खेलमा बन्यो ४९३ रन

करेबियन प्रिमियर लिग टि-२० अन्तर्गत  शनिवार बिहान सम्पन्न खेलमा ट्रिनबागो नाइट राइडर्सले जमैका तल्लावाहलाई ४१ रनले पराजित गरेको छ।

लगातार चौथो जित दर्ता गर्दै ८ अंक सहित ट्रिनबागो अंकतालिकाको शिर्ष स्थानमा उक्लेको छ। जमैकाको भने यो चौथो हार हो। अंक विहिन रहँदै जमैका पुछारमा रहेको छ।

खेलमा टस हारेर पहिले ब्याटिंग गर्दै ट्रिनबागो नाइट राइडर्सले दिएको २६८ रनको लक्ष्य पछ्याउने क्रममा जमैकाले पुरै ओभर ब्याटिंग गरेता पनि ५ विकेट गुमाएर २२६ रन बनाउन सक्यो।

क्रिस गेल

लक्ष्य पछ्याउने क्रममा ग्लेन फिलिप्स र क्रिस गेलले आक्रामक सुरुवात दिलाएका थिए। ७.२ ओभरमा ८८ रनको साझेदारी गरेपछि गेल २४ बलमा ३९ रन ( ५ चौका र २ छक्का ) बनाएर आउट भए। त्यसपछि भने मध्यक्रमका ब्याट्सम्यानहरुले ठुलो साझेदारी बनाउन नसक्दा जमैका लक्ष्य सम्म पुग्न असफल रह्यो। फिलिप्सले सर्वाधिक ३२ बलमा ६२ रन बनाए जुन क्रममा ७ चौका र ४ छक्का प्रहार गरे। जाभेल ग्लेनले अविजित ३४ तथा रमाल लुइसले अविजित ३७ रन बनाए।

ट्रिनबागोको रेकर्ड योगफल 

यस अघि टस हारेर ब्याटिंग गर्ने क्रममा ट्रिनबागो नाइट राइडर्सले २० ओभरमा ७ विकेट गुमाएर २६७ रन बनाएको थियो।

टि-२० फ़्रेन्चाइज् क्रिकेटमा यो नै सर्वाधिक योगफल हो। यस अघि सन् २०१३ मा रोयल च्यालेन्जर्स बैंगलोरले सन् २०१३ आइपीएलमा पुने वारियर्स बिरुद्ध २६३ रन बनाएको थियो। उक्त खेलमा क्रिस गेलले ६६ बलमा अविजित १७५ रन बनाएका थिए जुन टि-२० मा सर्वाधिक व्यक्तिगत योगफल हो।

कोलिन मुनरो

टि-२० अन्तर्राष्ट्रिय क्रिकेटमा भने अफगानिस्तानले यसै वर्ष आयरल्याण्ड बिरुद्ध बनाएको २७८ तथा चेज रिपब्लिकले टर्की बिरुद्ध गत महिना बनाएको २७८ रन सर्वाधिक योगफल हो। समग्रमा ट्रिनबागोले बनाएको योगफल टि-२० मा तेश्रो ठुलो योगफल हो। ट्रिनबागोको २६७ र जमैकाको २२६ गरि कुल ४९३ रन टि-२० क्रिकेटमा दोश्रो सर्वाधिक योगफल हो। यसै खेलमा प्रहार भएको ३५ छक्का पनि दोश्रो धेरै हो भने चौका र छक्का बाट बाएको ३६२ रन अहिलेसम्मकै सर्वाधिक हो।

मुनरोको विस्फोटक इनिंग 

विशाल योगफल तयार गर्ने क्रममा राइडर्सको लागि कोलिन मुनरोले सर्वाधिक ९६ रन बनाए जुन क्रममा ५० बलमा ८ छक्का र ६ चौका प्रहार गरे। यस्तै ओपनर लेन्डल सिमोन्सले ८६ ( ४२ बलमा ८ चौका र ५ छक्का ) रन बनाए। कप्तान काइरन पोलार्डले अविजित १७ बलमा ४५ रन बनाए जुन क्रममा ४ चौका र ३ छक्का प्रहार गरे।

सिमोन्स र मुनरोले दोश्रो विकेटको लागि १२४ रनको तथा तेश्रो विकेटको लागि मुनरो र पोलार्डले अविजित ८८ रनको साझेदारी गरेका थिए।

जमैका बलरहरुले ७ वटा नो बल गर्नु टिमको लागि घातक सिद्ध हुन पुग्यो। मुनरो प्लेयर अफ द म्याच चुनिए।

 





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]