त्रिवि मैदानलाई रात्रीकालीन खेल सञ्चालन गर्न मिल्ने बनाइने

काठमाडौं, जेठ १५ गते । सरकारले आर्थिक बर्ष २०७९/८० का लागि युवा तथा खेलकुद मन्त्रालयका लागि दुई अर्ब ४६ करोड रुपियाँ बजेट विनियोजन गरेको छ । अर्थमन्त्री जनार्दन शर्माले आइतबार संघीय संसद्मा पेश गर्नुभएको बजेटमा युवा तथा खेलकुद मन्त्रालयका लागि छुट्याईएको बजेट अघिल्लो बर्षको भन्दा २८ करोडले कम हो ।

सरकारले खेलकुदको पूर्वाधार निर्माणका लागि ८७ करोड रुपियाँ बजेट विनियोजन गरेको छ । यसैगरी अर्थमन्त्री शर्माले नेपाली खेलकुदको कार्यकारी निकाय राष्ट्रिय खेलकुद परिषद् (राखेप) का लागि दुई अर्व नौ करोड रुपियाँ बजेट विनियोजन गर्नुभएको छ । बजेटमा दुई दशकदेखि निर्माणाधिन रहेको मुलपानी क्रिकेट मैदानको आगामी बर्षभित्र निर्माण कार्य सम्पन्न गर्न आवश्यक बजेटको ब्यवस्था गरिएको उल्लेख छ ।

यसैगरी बजेटमा कीर्तिपुरको त्रिवि क्रिकेट मैदानलाई रात्रीकालीन खेल सञ्चालन गर्न मिल्ने बनाइने, एक स्थानीय तह एक खेल ग्राम निर्माण, खेलकुदको दिर्घकालीन विकासमा लागि २० बर्षे गुरुयोजनाको निर्माण र कार्यन्वयन, बाँकेको कोहलपुरमा महिला क्रिकेट एकेडेमी निर्माण, धनगढीको फाप्ला अन्तराष्ट्रिय खेल मैदान र खेलग्रामको निर्माण गरिने, १०औं राष्ट्रिय खेलकुद प्रतियोगिता आयोजनाको लागि आवश्यक भौतिक संरचना निर्माण गरिने उल्लेख छ ।

यस्तै बजेटमा खेलकुद पर्यटनको प्रवर्द्धनका लागि सार्वजनीक नीजि साझेदारीमा शाहसिक तथा पर्वतीय खेलकुदका पूर्वाधार निर्माण तथा सञ्चालन गर्न प्रोत्साहन, जुम्लाको कोप्लापाटन लगायतका स्थानमा हाइअल्टिच्युट स्पोर्ट्स सेन्टर स्थापना, खेलाडी र प्रशिक्षकको क्षमतालाई अभिवृद्धि गर्दै खेलाडीलाई प्रोत्साहन गरिने, एसियाड र ओलम्पिकमा पदक विजेता खेलाडीलाई तलब भत्ताको ब्यवस्था, महोत्तरीको मटियानी, चितवनको कठार, पूर्वी नवरपरासीको मध्यविन्दुमा स्थानीय तह र नीजि क्षेत्रको सहकार्यमा अत्याधुनिक रिक्रियसन सेन्टर स्थापना गरिने पनि उल्लेख गरिएको छ ।

( साभार – गोरखापत्र )





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]