यू-१९ एसिया कप : ब्याटिंग नचल्दा पाकिस्तानसँग नेपाल पराजित

एसिसी यू-१९ एसिया कपमा पाकिस्तानले नेपाललाई ७ विकेटले पराजित गरेको छ। शुक्रबार भएको आफ्नो पहिलो खेलमा नेपालले दिएको १ सय ५३ रनको विजयी लक्ष्य विकेट गुमाएर पूरा गरेको हो।

पाकिस्तानले सहज जित हासिल गर्ने क्रममा उसका दुई खेलाडीले अर्धशतकीय इनिङ खेले। पाकिस्तानका लागि अजन अवाइसले ५६ रनको अविजित इनिङ खेल्दा कप्तान सादा बाइगले ५० रनको इनिङ खेलेका थिए। त्यस्तकै मोहम्मद जेसन २० रनमा अविजित रहे। १ रनमानै पहिलो विकेट गुमाएपनि त्यसको मूल्य भने पाकिस्तानले चुकाउनु परेन। नेपालका लागि गुल्सन झाले दुई विकेट लिएका थिए।

त्यसअघि टस हारेर पहिले ब्याटिङ गरेको नेपालले ४७.२ ओभरमा अलआउट हुँदै १ सय ५२ रन बनाएको थियो। नेपालका लागि केवल तीन खेलाडीले मात्र दोहोरो स्कोरमा रन बनाएका थिए।

Uttam Thapa Magar

दुबई स्थित आइसिसी एकेडेमी ओभल-२ मा टस हारेर पहिले ब्याटिङ गरेको नेपालले ४६ रन बनाउँदा ५ खेलाडी गुमाएपनि त्यसपछि उत्तम थापा मगर र दिपेश कँडेलले छैटौँ विकेटका लागि ६८ रनको साझेदारी गर्दै नेपालको इनिङलाई केही समालेका थिए। कँडेल ५९ बलमा ३१ रन बनाएर आउट हुँदा मगरले भने अर्धशतकीय इनिङ खेले। उनले ७६ बल खेल्दै ३ चौका र २ छक्का प्रहार गर्दै ५१ रन बनाएका थिए। थप दोहोरो स्कोरका रूपमा ओपनर अर्जुन कुमालको २१ रन रह्यो।

पाकिस्तानका लागि मोहम्मद जेसनले ५ विकेट लिँदा अमिर हसनले २ तथा उबाइड साहले १ तथा अलि अस्फान्दले १ विकेट लिएका थिए। त्यसअघि नेपालका आशा गरिएका सुरुवाती क्रमले भने निराशाजनक प्रदर्शन गरेका थिए। तिलक भण्डारी, आकाश त्रिपाठी, कप्तान देव खनाल, गुल्सन झा लगायतका खेलाडीले भने दोहोरो रनको स्कोर बनाउन सकेनन्।

प्रतियोगिता अन्तर्गत नेपालले दोश्रो खेल अफगानिस्तानसंग डिसेम्बर १० तारिखमा तथा भारतसंग डिसेम्बर १२ तारिखमा खेल्ने तालिका छ।





थप समाचार

पाँचपोखरी टी-२० क्रिकेट प्रतियोगिता आजबाट सुरु

काठमाडौं । पाँचपोखरी टी-२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा सुरु भएको छ । शनिबार एक कार्यक्रममका बिच पाँचपोखरी […]

नेदरल्यान्ड्सविरुद्ध नेपाल : सम्भावित प्लेईङ-११, एक परिवर्तनको सम्भावना

काठमाडौं । २०२७ मा दक्षिण अफ्रिका, जिम्बावे र नामिबियामा आयोजना हुने ओडिआई विश्वकपको छनोटको रुपमा रहेको विश्वकप लिग टू अन्तर्गतको […]

नेदरल्यान्ड्समाथि नामिबियाको ऐतिहासिक जित

काठमाडौं । नामिबियाले नेदरल्यान्ड्समाथि ऐतिहासिक जित निकालेको छ । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाई आफ्नो ओडिआई ईतिहासमा […]

नेदरल्यान्ड्सलाई २०४ रनको लक्ष्य

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाइ नामिबियाले जितका लागि २ सय ४ रनको लक्ष्य दिएको छ […]

नेदरल्यान्ड्सले टस जित्यो

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नामिबियाविरुद्ध नेदरल्यान्ड्सले टस जितेको छ । सिरिजको पाँचौ खेलमा नेदरल्यान्ड्सका कप्तान […]

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]