युएईमा जारि अन्डर-१९ एसिया कप प्रतियोगिता अन्तर्गत नेपालले दोश्रो खेलमा श्रीलंकासंग प्रतिस्पर्धा गरिरहेको छ।
शारजाह क्रिकेट स्टेडियममा जारि खेलमा टस जितेर ब्याटिंग गरेको श्रीलंकाले निर्धारित ५० ओभरमा ४ विकेट क्षेतीमा ३२२ रन बनाउदै नेपाललाई ३२३ रनको लक्ष्य प्रस्तुत गरेको छ।
श्रीलंकाको ब्याटिंगमा ओपनर चमिदु विक्रमासिंगे र सदिशा राजापक्षले शतकीय योगदान दिए। राजापक्षले ११९ बलमा ११ चौका र २ छक्का मद्दतले १३१ रन तथा विक्रमासिंगेले १२६ बलमा ८ चौका र २ छक्का मद्दतले १११ रन बनाए । दोश्रो विकेटको लागि राजापक्ष र विक्रमासिंगेले २२३ रनको साझेदारी गरे। दुनिथ नेथामिकाले ३४ तथा शेभोन ड्यानियलले १७ रन योगदान दिए।
नेपालको बलिंगमा आदील अन्सारीले २ ( ९-०-४६-२ ) , देभ खनाल ( ९-१-५५-१ ) र बिबेक यादवले ( ७-०-६५-१ ) ले समान एक विकेट लिए।
पहिलो खेलमा बंगलादेशसंग पराजित भएको नेपाल आज पराजित भएको खण्डमा सेमीफाइनल पुग्ने संभवाना समाप्त हुनेछ। श्रीलंका विजयी भए बंगलादेशसंगै समुह ‘बि’ बाट सेमीफाइनल प्रवेश गर्नेछ।
