आईसीसी अन्डर-१९ विश्वकपको चौधौं संस्करणको आयोजना वेस्टइन्डिजले गर्ने भएको छ। पहिलो पटक अन्डर-१९ विश्वकप वेस्टइन्डिजले आयोजना गर्न लागेको हो जुन आगामी वर्ष २०२२ जनवरी १४ देखि फेब्रुअरी ५ सम्म संचालन हुनेछ।
वेस्टइन्डिजको ४ देशक १० स्थानको मैदानमा खेलहरु हुनेछन्। एन्टीगुवा र बार्बुडा, गायना, सेन्ट किट्स एण्ड नेभिस र ट्रिनिडाड एण्ड टोबागोमा खेलहरु हुनेछन्। प्रतियोगितामा कुल ४८ खेलहरु खेलिनेछन्।
न्युजिल्यान्डले भने कोभिड-१९ का कारण प्रतियोगिताबाट नाम फिर्ता लिएको छ। फर्किदा अनिवार्य क्वारेन्टाइन बस्नु पर्ने नियामका कारण न्युजिल्यान्डले नाम फिर्ता लिएको बतएको छ। न्युजिल्यान्डको स्थानमा स्कटल्याण्डले सहभागिताको मौका पाएको छ।
यु-१९ विश्वकपमा डिफेन्डिङ च्याम्पियन बंगलादेश सहित १६ टोलि सहभागी हुँदैछन् जसलाई ४ वटा समुहमा बिभाजन गरिएको छ। समुह ‘ए’ मा बंगलादेश, इंग्ल्यान्ड, क्यानडा र युएई , समुह ‘बि’ मा भारत, आयरल्याण्ड, दक्षिण अफ्रीका र युगान्डा, समुह ‘सी’ मा अफगानिस्तान, पाकिस्तान, पपुवा न्यु गिनी र जिम्बाब्वे तथा समुह ‘डी’ मा अस्ट्रेलिया, स्कटल्याण्ड, श्रीलंका र वेस्टइन्डिज रहेका छन्। प्रत्येक समुह बाट दुई वटा टिम नक आउट चरण प्रवेश गर्नेछन्।
यु-१९ विश्वकपको उपाधि वेस्टइन्डिजले एक पटक, अस्ट्रेलियाले तिन पटक, पाकिस्तानले दुई पटक, भारतले चार पटक तथा इंग्ल्यान्ड, दक्षिण अफ्रीका र बंगलादेशले समान एक पटक जितेका छन्।
सन् २०१६ मा बंगलादेशमा आयोजित यु-१९ विश्वकप खेलेको नेपाली यु-१९ टिम भने यो पटक पनि सहभागी हुने छैन। आईसीसीले कोभिड-१९ का कारण एसिया छनोट प्रतियोगितानै आयोजना नगरेपछि पछिल्लो यु-१९ विश्वकपको प्रदर्शनको आधारमा युएईलाई छनोट गरेको थियो। एसियाबाट युएई, इस्ट एसिया प्यासिफिकबाट पपुवा न्यु गिनी र अमेरिकाबाट क्यानडा छनोट प्रतियोगिता नखेली छनोट भएका हुन्।
“आईसीसी यु-१९ विश्वकपको क्षेत्रीय छनोट प्रतियोगिताहरु कोभिड-१९ आचारसंहिताका कारण रद्द हुनु निकै दुखदायी कुरा हो। सदस्य राष्ट्रहरुलाई दिईएको आचारसंहिताका कारण टिमहरुले प्रतियोगिताबाट हात झिकेका छन् त्यसैले हामिसंग यी प्रतियोगिताहरु रद्द गर्नु बाहेक अरु उपाए थिएन।। हामीले मैदानमा नतिजा आओस् भन्ना चाहनाले सदस्य राष्ट्रहरुसंग गहन छलफल गरेका थियौं तर प्रतियोगिता सम्भव देखिएन। त्यसैले क्यानडा, युएई र पपुवा न्यु गिनी यु-१९ विश्वकप खेल्न छनोट भएका छन्।” आईसीसी प्रेस बिज्ञप्ति जारि गर्दै त्यसबेला बताएको थियो।
