- विकेटनेपाल, माघ २८ – आइतबार
नेपाल र संयुक्त अरब ईमिरेट्सबीच जारि विश्व क्रिकेट लिग डिभिजन २ को खेलमा युएईले नेपाललाई ११५ रनको लक्ष्य दिएको छ। टस हारेर पहिले ब्याटिंग गरेको युएईले ३१ ओभरमा मात्र ११४ रन बनाउदा सबै विकेट गुमायो ।
युएईका लागि शईमान अनवरले सर्बाधिक ३० रन (४० बल, २ चौका) प्रहार गर्दा अदनान मुफ्तीले पनि १८ रनको पारि खेले । विकेट किपर ब्याट्सम्यान घुलाम शब्बरले १६, मोहम्मद बुताले १५, मोहम्मद नावीदले १० रन बनाए ।
युएईलाई सुरुवाती झट्का दिनको लागि सोमपाल कामि र करण केसीले उत्कृस्ट बलिंग गरे। ४ विकेट हात पारेका सोमपाल कामिले ७ ओभरमा ३० रन खर्चिदै सुरुका दुई विकेट झारे भने करण केसीले पनि कप्तान रोहन मुस्ताफालाई आउट गरेका थिए ।
सन्दिप लामिछानेले ३ विकेट लिने क्रममा ७ ओभरमा ३० रन खर्चिदा पारस खड्काले २ विकेट लिन २० रन खर्चे।
प्रतियोगितामा नेपालले यस अघि खेलेको २ मध्ये १ खेलमा नामिबियालाई १ विकेटले पराजित गरेको थियो भने दोश्रो खेलमा ओमानसंग ६ विकेटको हार बेहोरीसकेको छ। वर्षाको कारण युनाइटेड क्रिकेट क्लब मैदान, विन्ढोकमा निर्धारित समय भन्दा ३ घण्टा सुरु भएको खेलमा नेपालले टस जितेर युएईलाई ब्याटिंग गर्न निम्त्याएको थियो।
प्रत्यक्ष अपडेटको लागि क्लिक गर्नुस
खेलको फोटोहरु –
