Sudurpaschim Province vs Gandaki Province Live



रमिजले करियरकै उत्कृस्ट ब्याटिंग गर्दै युएईसँग स्कटल्याण्ड पराजित

  • विकेटनेपाल, माघ ९ – मंगलबार

युएईमा जारि आयरल्याण्ड, स्कटल्याण्ड र युएई सम्मिलित त्रि-कोणात्मक एकदिवसीय सिरिजमा आयोजक युएईले स्कटल्याण्डलाई ४ विकेटले पराजित गर्दै पहिलो जित दर्ता गरेको छ। सिरिजमा यस अघिका ३ वटै खेलमा पराजित युएईले अन्तिम खेलमा भने उही नतिजा दोहोर्याएन।

नामिबियामा फेब्रुअरी ८ देखि १५ सम्म आयोजना हुने आईसीसी बिश्व क्रिकेट लिग डिभिजन-२ मा युएई नेपालसंगै खेल्दैछ। खेल तालिका  

आईसिसी एकेडेमीमा भएको खेलमा स्कटल्याण्डले दिएको ३०० रनको लक्ष्य युएईले ६ विकेट गुमाएर ५ बल बाँकी रहँदै पुरा गर्यो।

युएईको जितमा रमिज शहजादले करियरको पहिलो शतक प्रहार गर्ने क्रममा अविजित १२१ रन बनाए। त्यसक्रममा उनले ११५ बल सामना गर्दै १० चौका र २ छक्का प्रहार गरे। ओपनर अस्फाक अहमदले ९२ रन ( ८७ बल – ८ चौका, ३ छक्का ) प्रहार गरे। शहजादले अहमदसंग तेश्रो विकेटको लागि महत्वपूर्ण १२५ रनको तथ छैठौं विकेटको लागि अद्नान मुफ्तीसंग ७५ रनको साझेदारी गर्दै जितको आधार तयार गरेका थिए।

स्कटल्याण्डका लागि सफ्यान शरिफ तथा मार्क वाटले २/२ विकेट हात पारे ।

रमिज शहजादले करियरको पहिलो शतक प्रहार गरे  – @thenational.ae

यसअघि टस जितेर पहिले ब्याटिंग गरेको स्कटल्याण्डकले ५० ओभरमा ९ विकेट गुमाएर २९९ रनको योगफल तयार पारेको थियो । उसका रिची बेरिंगटनले  ९० रन (९५ बल, ९ चौका, २ छक्का) तथा कप्तान कायल कोट्ज़रले ७५ रन (७९ बल, १३ चौका) प्रहार गर्दै तेस्रो विकेटका लागि ८४ रनको साझेदारी गरेका थिए।

त्यस्तै चौथो विकेटको लागि बेरिंगटनले कालुम मक्लोड़ (१० रन) सँग मिलेर ४४ रनको साझेदारी गरेका थिए भने जर्ज मुन्सीसँग मिलेर पाचौं विकेटको लागि ७६ रनको साझेदारी गरेका थिए। मुन्सीले आक्रामक ४७ रनको पारि खेल्नेक्रममा २९ बलमा ५ चौका र २ छक्का प्रहार गरे।

युएईका मोहम्मद नाविदले ३ विकेट लिन ४७ रन तथा ज़हूर खानले पनि समान ३ विकेट लिन ६२ रन खर्चिदा कप्तान रोहन मुस्ताफाले २ विकेट लिएका थिए ।

(Featured Image: @thenational.ae)

 





थप समाचार

लिग-२ : स्कटल्याण्डलाई हराउदै तेश्रो स्थानमा उक्लियो नामिबिया

नामिबियामा जारि आईसीसी विश्वकप लिग-२ अन्तर्गतको चौंथो खेलमा नामिबियाले स्कटल्याण्डलाई ३ विकेटले पराजित गरेको छ। युनाइटेड क्रिकेट क्लब मैदान विन्ढोकमा […]

मिलन चम्किंदा, सुदूरपश्चिम बन्यो यु-१९ राष्ट्रिय च्याम्पियन

डिफेन्डिङ च्याम्पियन लुम्बिनी प्रदेशलाई पराजित गर्दै सुदूरपश्चिम प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। गत वर्ष लुम्बिनी प्रदेशले सुदूरपश्चिमलाई […]

नेपाललाई ३ विकेटले पराजित गर्दै स्कटल्याण्ड लिग-२ को शिर्षमा

आईसीसी विश्वकप लिग-२ अन्तर्गत नामिबियामा जारि त्रिकोणात्मक एकदिवसीय अन्तर्राष्ट्रिय सिरिज अन्तर्गत आफ्नो दोश्रो खेलमा नेपाल स्कटल्याण्डसंग ३ विकेटले पराजित भएको […]

स्कटल्याण्डसंग चलेन नेपालको ब्याटिंग, १३७ रनमै सिमित

आईसीसी विश्वकप लिग-२ अन्तर्गत नामिबियामा जारि त्रिकोणात्मक सिरिजमा आफ्नो दोश्रो खेलमा नेपाल र स्कटल्याण्ड प्रतिस्पर्धा गर्दैछन्। खेलमा टस हारेर ब्याटिंग […]

नेत्रहीन टी–२० विश्वकपमा सहभागी हुने नेपाली टिमको विदाइ

तेश्रो नेत्रहीन टी– २० क्रिेकट विश्व कपमा नेपालले सहभागिता जनाउने भएको छ । डिसेम्बर ५ देखि १८ तारिखसम्म हुने प्रतियोगिताका […]

U19 National : लुम्बिनी र सुदूरपश्चिम फाइनलमा

लगातार दोश्रो वर्ष अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेशले प्रतिस्पर्धा गर्ने भएका छन्। प्रतियोगिताको लिग चरणको […]