- विकेटनेपाल, माघ ९ – मंगलबार
युएईमा जारि आयरल्याण्ड, स्कटल्याण्ड र युएई सम्मिलित त्रि-कोणात्मक एकदिवसीय सिरिजमा आयोजक युएईले स्कटल्याण्डलाई ४ विकेटले पराजित गर्दै पहिलो जित दर्ता गरेको छ। सिरिजमा यस अघिका ३ वटै खेलमा पराजित युएईले अन्तिम खेलमा भने उही नतिजा दोहोर्याएन।
नामिबियामा फेब्रुअरी ८ देखि १५ सम्म आयोजना हुने आईसीसी बिश्व क्रिकेट लिग डिभिजन-२ मा युएई नेपालसंगै खेल्दैछ। खेल तालिका
आईसिसी एकेडेमीमा भएको खेलमा स्कटल्याण्डले दिएको ३०० रनको लक्ष्य युएईले ६ विकेट गुमाएर ५ बल बाँकी रहँदै पुरा गर्यो।
युएईको जितमा रमिज शहजादले करियरको पहिलो शतक प्रहार गर्ने क्रममा अविजित १२१ रन बनाए। त्यसक्रममा उनले ११५ बल सामना गर्दै १० चौका र २ छक्का प्रहार गरे। ओपनर अस्फाक अहमदले ९२ रन ( ८७ बल – ८ चौका, ३ छक्का ) प्रहार गरे। शहजादले अहमदसंग तेश्रो विकेटको लागि महत्वपूर्ण १२५ रनको तथ छैठौं विकेटको लागि अद्नान मुफ्तीसंग ७५ रनको साझेदारी गर्दै जितको आधार तयार गरेका थिए।
स्कटल्याण्डका लागि सफ्यान शरिफ तथा मार्क वाटले २/२ विकेट हात पारे ।
यसअघि टस जितेर पहिले ब्याटिंग गरेको स्कटल्याण्डकले ५० ओभरमा ९ विकेट गुमाएर २९९ रनको योगफल तयार पारेको थियो । उसका रिची बेरिंगटनले ९० रन (९५ बल, ९ चौका, २ छक्का) तथा कप्तान कायल कोट्ज़रले ७५ रन (७९ बल, १३ चौका) प्रहार गर्दै तेस्रो विकेटका लागि ८४ रनको साझेदारी गरेका थिए।
What . A . Win over @CricketScotland in the final match of UAE Tri-Series!
Well done #UAE, a mammoth total to chase but they did it!#GoUAE! #AwesomeEfforthttps://t.co/uvxmYbUiEz— UAE Cricket Official (@EmiratesCricket) January 23, 2018
त्यस्तै चौथो विकेटको लागि बेरिंगटनले कालुम मक्लोड़ (१० रन) सँग मिलेर ४४ रनको साझेदारी गरेका थिए भने जर्ज मुन्सीसँग मिलेर पाचौं विकेटको लागि ७६ रनको साझेदारी गरेका थिए। मुन्सीले आक्रामक ४७ रनको पारि खेल्नेक्रममा २९ बलमा ५ चौका र २ छक्का प्रहार गरे।
युएईका मोहम्मद नाविदले ३ विकेट लिन ४७ रन तथा ज़हूर खानले पनि समान ३ विकेट लिन ६२ रन खर्चिदा कप्तान रोहन मुस्ताफाले २ विकेट लिएका थिए ।
(Featured Image: @thenational.ae)
