युएईमा अक्टोबरमा आयोजना हुने टि-२० विश्वकप ग्लोबल छनौट प्रतियोगिताको तयारीको लागि नेदरल्याण्ड भ्रमणमा रहेको युएईले घरेलु टिमलाई दोश्रो टि-२० मा पनि पराजित गरेको छ।
५ विकेटले नेदरल्याण्डलाई पराजित गर्दै ४ टि-२० को सिरिजमा २-० को अग्रता युएईले लिएको छ। पहिलो टि-२० मा युएई १३ रनले विजयी भएको थियो। तेश्रो टि-२० आज राति खेलिनेछ।
वरियतामा १३ औं स्थानमा रहेको नेदरल्याण्डलाई १६ औं स्थानमा रहेको युएईले पराजित गर्दै २०२० टि-२० विश्वकप छनौट हुन बलियो दावेदारी प्रस्तुत गरेको छ।
The Netherlands (136/9) lose the 2nd T20I v @EmiratesCricket (140/5) by 5 wickets (19.3). Wickets shared between the bowlers incl one each for debutants @Supersabba & @philippeboissev (+1 catch).#NEDvUAE
Full scorecard https://t.co/7YYsH5TZEk pic.twitter.com/uGY2p28wP9
— Cricket?Netherlands (@KNCBcricket) August 5, 2019
भीआरए मैदानमा टस जितेर युएईले बलिंग रोजेपछि ब्याटिंग गरेको डच टिमले २० ओभरमा ९ विकेट गुमाएर १३६ रन बनाएको थियो। उसको लागि बेन कुपरले सर्वाधिक ४६ रन ( ३८ बलमा ५ चौका र १ छक्का ) तथा कप्तान पिटर सिलरले ३४ रन ( २९ बलमा १ छक्का ) बनाए।
युएई अफस्पिनर रोहन मुस्तफाले सर्वाधिक ३ विकेट ( ४-०-२७-३ ) तथा जहुर खानले २ र मोहम्मद नभिद र सुल्तान एहमदले १/१ विकेट लिए। पहिलो टि-२० मा पनि मुस्तफाले २ विकेट लिएका थिए।
१३७ रनको लक्ष्य पछ्याउने क्रममा रमिज शाहजादले ४१ बलमा ६ चौका मदतले सर्वाधिक ४९ रन बनाए। मोहम्मद उस्मानले ३४ तथा अश्फाक एहमदले २५ रन बनाए। उस्मानले पहिलो टि-२० मा अर्धशतक बनाएका थिए। आठौँ ओभरमा ५८/३ को अवस्थाबाट शाहजाद र उस्मानले चौथो विकेटको लागी ५९ रनको साझेदारी गरे।
अन्तिम २ ओभरमा १४ रन आवस्यक रहंदा उस्मानले १९ औं ओभरमा छक्का प्रहार गरेका थिए। जसलगत्तै उनि आउट भएका थिए। त्यसपछि अन्तिम ओभरको तेश्रो बलमा १ रन आवस्यक हुँदा मोहम्मद बुताले चौका प्रहार गर्दै जित दिलाएका थिए। बुताले ८ बलमा ११ रन बनाए।
५ विकेट गुमाएर १९.३ ओभरमा युएईले लक्ष्य पुरा गर्यो।
नेदरल्याण्डको बलिंगमा भीभीएन किंग्मा, सेबास्तीएन ब्रात, फिलिप्पे बोइसेभाइन, सिकन्दर जुल्फिकर र सकिब जुल्फिकरले समान १/१ विकेट लिए।
