मुस्तफाको उत्कृस्ट लय जारि , १ खेल अगावै युएईले जित्यो सिरिज

अक्टोबर ११ देखि युएईमा आयोजना हुने टि-२० विश्वकप छनौट प्रतियोगिताको तयारी स्वरूप खेलिएको नेदरल्याण्ड र युएई बीचको ४ वटा टि-२० अन्तर्राष्ट्रियको सिरिज युएईले १ खेल अगावै ३-० ले जितेको छ।

नेदरल्याण्डको स्पोर्ट्सपार्कमा सम्पन्न खेलमा घरेलु टिम १४ रनले पराजित हुन पुग्यो। यस अघि पहिलो खेल १३ रनले तथा दोश्रो खेल ५ विकेटले युएईले जितेको थियो।

यसै वर्ष जनवरी/फेब्रुवरिमा नेपालसंग २-१ ले टि-२० अन्तर्राष्ट्रिय सिरिज हारे पछि युएईले खेलेको सबै ४ खेलमा जित हात पारेको छ। अमेरिकासंगको १ खेल नतिजाविहिन रहेको थियो।


टस हारेर ब्याटिंग गर्दै युएईले दिएको १५३ रनको लक्ष्य पछ्याउने क्रममा नेदरल्याण्डले २० ओभर ब्याटिंग गरेता पनि ९ विकेट गुमाएर १३८ रन मात्रै बनाउन सक्यो।

डच ओपनर म्याक्स ओडोडले सर्वाधिक ६५ रन बनाए। उनले ५४ बलमा ४ चौका प्रहार गरे। सिकन्दर जुल्फिकरले १८ रन बनाए। सुरुवात देखि लगातार विकेट गुमाएको डच टिमको लागि म्याक्स ओडोडले विकेट सम्हालेर ब्याटिंग गर्दै जितको आशा दिलाएका थिए। उनि १९ औं ओभरमा रन आउट हुनपुगे।

युएईको बलिंगमा रोहन मुस्तफाले सर्वाधिक ३ ( ४-०-३०-३ ) तथा कदिर एहमदले २ ( ४-०-१८-२ ) तथा कप्तान मोहम्मद नभिद, एहमद राजा र जवार फरिदले १/१ विकेट लिए। राम्रो फर्ममा रहेका मुस्तफाले पहिलो खेलमा २ तथा दोश्रो खेलमा ३ विकेट लिएका थिए।

Ashfaq Ahmed ( Getty Images)

युएईको ब्याटिंग 

पहिले ब्याटिंग गर्ने क्रममा युएईको लागि ऊप्नर अश्फाक एहमदले सर्वाधिक ५६ रन ( ४१ बलमा ५ चौका र २ छक्का ) प्रहार गरे। रमिज शाहजादले २२, घुलाम शब्बिरले १७, मोहम्मद बुता र दरिउस डी सिल्भाले समान १५ रन बनाए। डच बलर सेबास्टिएन ब्राटले सर्वाधिक ३ ( ४-०-२६-३ ) तथा हिड्डे ओभरजीक र पिटर सिलरले २/२ विकेट लिए।

सिरिज अन्तर्गत चौथो तथा अन्तिम टि-२० अगस्ट-८ तारिक बिहिबार खेलिनेछ।





थप समाचार

जिम्बावेविरुद्धको सिरिज भारतले जित्यो

काठमाडौं । जिम्बावेविरुद्धको पाँच खेलको टी-२० आईको सिरिज पाहुना टोली भारतले ४-१ ले जितेको छ । आईतबार भएको सिरिजको पाँचौ […]

पोन्टिङ मुख्य प्रशिक्षकबाट हटाइए

काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् । २०२५ को आईपीएलको […]

एन्डरसनको स्थान वुडले लिने

काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको […]

दीपेन्द्र र रोहितले क्यारेबियन टी-१० खेल्ने

काठमाडौं । नेपाली राष्ट्रिय क्रिकेट टोलीका कप्तान रोहितकुमार पौडेल तथा विष्फोटक अलराउन्डर दीपेन्द्रसिंह ऐरी वेस्ट इन्डिजमा आयोजना हुने म्याक्स ६० […]

रौतहट प्रिमियर लिगमा १६ टोलीको सहभागीता रहने

काठमाडौं । रौतहट प्रिमियर लिग (आरपिएल) २०२४ मा १६ क्लबको सहभागीता हुने भएको छ । बुबा ममी इभेन्ट्स तथा स्पोर्टस […]

क्रिकेट प्रशिक्षक प्रशिक्षण कार्यक्रम सम्पन्न

काठमाडौं । सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रीकेट एकेडेमीको समन्वयमा सिन्धुपाल्चोकमा रहेका सामुदायिक तथा सस्थागत बिधालयका खेल […]