युगान्डामाथि अफगानिस्तानको फराकिलो जित

काठमाडौं । अमेरिका र वेस्ट इन्डिजमा जारी नवौं संस्करणको टी-२० विश्वकपको पाँचौ खेलमा अफगानिस्तानले युगान्डामाथि फराकिलो जित निकालेको छ ।

वेस्ट इन्डिजको गुयनामा भएको खेलमा अफगानिस्तानले १ सय २५ रनको फराकिलो जित निकालेको हो ।

अफगानिस्तानले दिएको १ सय ८४ रनको लक्ष्य पछ्याएको युगान्डा १६ औं ओभरको अन्तिम बलमा अल आउट हुदै ५८ रन मात्र बनायो ।

युगान्डाका लागि रोविन्सन ओबाईले १४ तथा रिजात अलिले ११ रन बनाए । युगान्डाका अन्य ब्याटरले दोहोरो अंकमा रन बनाउँन सकेनन् ।

अफगानिस्तानका लागि फैजलहक फारुकीले ४ ओभरमा ९ रन खर्चिएर ५ विकेट लिए । नभिन उल हक र राशिद खानले समान दुई दुई तथा मुजिब उर रहमानले एक विकेट लिए ।

त्यसअघि टस हारेर पहिले ब्याटिङ गरेको अफगानिस्तानले निर्धारित २० ओभरमा ५ विकेट गुमाएर १ सय ८३ रन बनाएको थियो ।

अफगानिस्तानका लागि ओपनरद्वय रहमानउल्लाह गुर्वाज र इब्राहिम जाद्रनले अर्धशतकीय ईनिङ खेले । गुर्वाजले ४५ बलमा ४ चौका र ४ छक्काको सहयोगमा ७६ तथा जाद्रनले ७६ बलमा ९ चौका र १ छक्काको सहयोगमा ७० रन बनाए । पहिलो विकेटका लागि जाद्रन र गुर्वाजले ८७ बलमा १ सय ५४ रनको साझेदारी गरे ।

ओपनरले राम्रो सुरुआत दिलाए पनि मध्येक्रमका ब्याटरले खास प्रदर्शन गर्न असक्षम रहँदा अफगानिस्तानले विशाल लक्ष्य खडा गर्न सकेन ।

युगान्डाका लागि कप्तान ब्रायन मसाबा र कोस्मास काईवाताले समान दुई दुई तथा अल्पस रामजानेले १ विकेट लिए ।

जितसँगै अफगानिस्तान समूह सी को शीर्ष स्थानमा उक्लिएको छ । विश्वकप डेब्यु खेलमा पराजित युगान्डा भने चौथो स्थानमा रहेको छ ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]