Sudurpaschim Province vs Gandaki Province Live



सन्दिप जोहराको आक्रामक इनिंगमा कस्मसको जित

  • विकेटनेपाल, फाल्गुन २७ – आइतबार

फाल्गुन २५ गतेदेखि आयोजना भएको दोश्रो युनिभर्सिटी क्रिकेट कप प्रतियोगिता अन्तर्गत तेस्रो दिन आज दुई खेल भएका छन् । किर्तिपुर मैदानमा सम्पन्न खेलहरुमा शंकरदेब क्याम्पसले युनीग्लोब स्कुललाई ६५ रनले तथा कस्मस कलेजले नेपाल कमर्स क्याम्पसलाई ५ रनले पराजित गर्दै क्वाटरफाइनलमा प्रवेश गरेका छन्।

पहिलो खेल: शंकरदेव Vs युनिग्लोब स्कुल (स्कोरकार्ड)

टस हारेर पहिले ब्याटिंग गरेको शंकरदेबले म्यान अफ द म्याच समेत चुनिएका सुबेन्दु पाण्डेको ४१ रनको मद्दतमा १९.४ ओभरमा सबै विकेट गुमाउंदै १३७ रन बनायो। यु-१९ रास्ट्रिय क्रिकेट टिमको अनुभव भएका पाण्डेले ३५ बलमा ४ चौका र २ छक्का प्रहार गरे। त्यस्तै प्रेम तामांगले २६ रन, आयुष्मान बमले २५ रन बनाए। युनिग्लोबका रौनक ढुंगाना र निर्मल एक्सले समान १९ रन खर्चिदै ३/३ विकेट हात पारे।

शुबेन्दु पाण्डे

 

जवाफमा शंकरदेवले कसिलो बलिंग गरेपछि युनिग्लोबले पुरै २० ओभरमा ८ विकेट गुमाएर मात्र ७२ रन बनाउन सक्यो। युनिग्लोबका रवेश पाण्डे र रौनक ढुंगानाले समान १७/१७ रन बनाएपनि अन्य खेलाडीहरुले दोहोरो अंक छुन सकेनन्। शंकर देव बलर रामनरेश गिरिले २ विकेट लिए।

दोश्रो खेल: कस्मस कलेज Vs नेपाल कमर्स क्याम्पस (स्कोरकार्ड)

टस जितेर पहिले ब्याटिंग गरेको कस्मसले २० ओभरमा ८ विकेट गुमाएर १७० रन बनाएको थियो। उसका लागि कुशल भुर्तेलले ३९ रन, म्यान अफ द म्याच सन्दिप जोहराले आक्रामक ३८ रन, हिमांशु दत्तले ३३ रन, कमल सिंह ऐरीले २७ रन योगदान दिए। भुर्तेलले २५ बलमा ६ चौका र १ छक्का प्रहार गर्दा जोहराले मात्र १६ बलमा ३ छक्का र ३ चौका प्रहार गरे। कमर्स क्याम्पसका बसन्त खत्री, इन्द्रकमल मानन्धर र प्रकाश बिस्टले समान २/२ विकेट लिएका थिए ।

कुशल भुर्तेल र सन्दिप जोरा ( फाइल फोटो )

जवाफमा खेल वर्षाले पुरा सम्भब नभएपछि ६.१ ओभरमा ६० रन बनाउनुपर्नेमा कमर्स क्याम्पसले २ विकेट गुमाएर ५४ रन बनाउन सकेपछि  पराजय व्यहोरेको हो । उसका सुरे बोहराले २३ रन, प्रकाश बिस्टले अविजित १४ रन बनाए । कस्मसका दिपेश श्रेष्ठ र कमल ऐरीले १/१ विकेट लिए।

सोमबार हुने खेलहरु 

गोल्डेनगेट कलेज Vs सेन्ट जेभियर कलेज
टियु ‘ए’ Vs ट्रिटन कलेज





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]