- विकेटनेपाल, २४ फाल्गुन
युनिभर्सिटी क्रिकेट कप प्रतियोगिताको दोश्रो संस्करणको बिहिबार घोषणा भएको छ। युनिभर्सिटी क्रिकेट क्लबले आयोजना गर्ने प्रतियोगिता फाल्गुन २५ देखि सुरु भइ चैत्र ३ गतेसम्म चल्नेछ।
कुल १६ वटा टिम सहभागी हुने प्रतियोगिता नकआउटको आधारमा संचालन हुनेछ। गोल्डेनगेट कलेजले मुख्य प्रायोजन गर्ने प्रतियोगिताको बिजेताले २ लाख रुपैयाँ तथा उपविजेताले १ लाख रुपैया प्राप्त गर्नेछन्। मुख्य प्रायोजक गोल्डेन गेटले प्रायोजन बापत ५ लाख रुपैयाँ दिनेछ।
यस्तै उत्कृस्ट बलर र ब्याट्सम्यानले १० हजार रुपैया तथा प्रत्येक खेलको उत्कृस्ट खेलाडीले ५ हजार रुपैयाँ बराबरको एक्सटेपको जुत्ता र नेपाल टेलिकमद्वारा १ हजार रुपैया प्राप्त गर्ने आयोजकले बताएको छ।
प्रतियोगिताको अघिल्लो संस्करणको उपाधि नेपाल कमर्स क्याम्पसले शंकरदेब क्याम्पसलाई ६ विकेटले पराजित गर्दै जितेको थियो।
सहभागी टिमहरु –
गोल्डेनगेट कलेज, त्रिभुवन युनिभर्सिटी ‘ए’ , त्रिभुवन युनिभर्सिटी ‘बि’ , सेन्ट जेभियर कलेज, कसमस कलेज, नेपाल कमर्श क्याम्पस, डि.भी कलेज, ट्रिटन कलेज, शंकरदेव कलेज, क्यारेबियन कलेज, ओमेगा कलेज, युनिग्लोब कलेज, के एण्ड के कलेज, न्यु समिट कलेज, बन कलेज र जनता उच्च मावि
