काठमाडौं । सह आयोजक अमेरिकाले नवौं संस्करणको आईसीसी टि-२० विश्वकप २०२४ को समूह चरणमा बिहीबार पाकिस्तानलाई सुपर ओभरमा हराएर ऐतिहासिक जित निकालेको छ ।
अमेरिकाले पहिलो पटक पाकिस्तानलाई हराएको थियो । पाकिस्तानलाई सुपर ओभरमा खेल जित्न १९ रन आवश्यक थियो।
ग्राण्ड प्रेरी क्रिकेट स्टेडियम डालसमा सौरभ नेत्रभाल्करले १३ रन खर्चिदै अमेरिकाको ऐतिहासिक जित पक्का गराए । सुपर ओभरमा पाकिस्तानका मोहम्मद आमिरले १८ रन खर्चिए थिए ।
त्यसअघि १ सय ६० रनको लक्ष्य पछ्याएको अमेरिकाले २० ओभरमा ३ विकेट गुमाउँदै १ सय ५९ रन बनायो ।
अन्तिम ओभरमा अमेरिकालाई जितको लागि ६ बलमा १५ रन चाहिँदा हरिस रौफले १४ रन खर्चिदै खेल बराबर गराएका थिए ।
अमेरिकाका लागि कप्तान मोनांक पटेलले ३८ बलमा ७ चौका र १ छक्कासहित ५० रन बनाए । ओपनर स्टिभ टेलर १६ बलमा १ चौकासहित १२ रनमा आउट भएका थिए । त्यसपछि दोस्रो विकेटका लागि मोनांक र एन्ड्रिस गोसले ४८ बलमा ६८ रनको साझेदारी गर्दै जितको आधार तय गरे ।
गोस २६ बलमा ५ चौका र १ छक्कासहित ३५ रनमा आउट भए । आरोन जोन्स २६ बलमा २ चौका र २ छक्कासहित ३६ र नितेश कुमारले १४ रन बनाए । पाकिस्तानका मोहम्मद आमिर, नसिम साह र हरिस रौफले समान एक एक विकेट लिए ।
त्यसअघि टस हारेर पहिला ब्याटिङको गरेको पाकिस्तानले निर्धारित २० ओभरमा ७ विकेट गुमाउँदै १ सय ५९ रन बनाएको थियो ।
कप्तान बाबर आजमले ४३ बलमा ३ चौका र २ छक्कासहित सर्वाधिक ४४ बनाए । सादब खानले २५ बलमा १ चौका र ३ छक्कासहित ४० बनाएपनि जित्नलाई पर्याप्त हुन सकेन ।
अमेरिकाका नोष्थुश केजिंगेले ४ ओभरमा ३० रन खर्चेर ३ विकेट लिए । सौरभ नेत्रवालकरले २ तथा अली खान र जसदीप सिंहको नाममा समान एक एक विकेट रह्यो ।
जितसँगै अमेरिका समूह ए को शीर्ष स्थानमा उक्लिएको छ ।
https://youtu.be/-GV8WXLaO2s?si=yqsUHdGQY_AjUBEZ
https://youtu.be/9UQjoSPzE_Y?si=1-yawUn5XqK3AM2x
