अमेरिका भ्रमणका लागि नेपाली टिमको घोषणा

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुनमा अमेरिकामा हुने अमेरिका र ओमानसँगको त्रिदेशीय सिरिजको लागि नेपाली टोलीको घोषणा गरेको छ । क्यानले बुधबार सन्दीप लामिछानेको कप्तानीमा १५ सदस्सीय खेलाडी टोलीको घोषणा गरेको हो ।

अन्तर्राष्ट्रिय क्रिकेट परिषद् (आईसीसी) का अनुसार नेपालले सिरिजको पहिलो खेल जुन ९ तारिख ओमानसँग खेल्नेछ । नेपालले दोस्रो खेल अमेरिकाविरुद्ध जुन ११, तेस्रो खेल ओमानविरुद्ध जुन १४ र अन्तिम खेल अमेरिकाविरुद्ध जुन १५ तारिख खेल्नेछ ।

लिग–२ अन्तर्गत सिरिजमा १२ खेल खेलेको नेपाल अहिले तालिकाको छैटौं स्थानमा छ । ओमान, यूएई, स्कटल्याण्ड, नामिबिया, अमेरिका र पीएनजी गरी सात टोली सहभागी लिग–२ मा प्रत्येक टोलीले ३६ खेल खेलेपछि शीर्ष तीनमा रहने टोली सन् २०२३ मा भारतमा आयोजना हुने एकदिवसीय विश्वकप क्रिकेटमा छनोट हुनेछन् ।

घोषित नेपाली टिममा जिम्बाब्वे ‘ए’ टिम बिरुद्ध  गत महिना राष्ट्रिय टिममा पुनरागमन गरेका सुनिल धमला तथा विनोद भण्डारीले निरन्तरता पाएका छन्। यस्तै युवा ब्याट्सम्यान देव खनाल र आदील अन्सारी पनि टिममा छन्। यस्तै जिम्बाब्वे ‘ए’ बिरुद्ध रास्ट्रिय टिमको लागि डेब्यु गरेका फास्ट बलर किशोर महतो पनि टिममा अटाएका छन्। टिममा एक मात्र देब्रे हाते स्पिनरको रुपमा सागर ढकाल छन्।

नेपाली टोली

सन्दीप लामिछाने (कप्तान), विनोद भण्डारी (विकेट किपर), आसिफ शेख, कुशल भुर्तेल, रोहित पौडेल, दीपेन्द्रसिंह ऐरी, आरिफ शेख, सुनिल धमला, देव खनाल, आदिल अन्सारी, करण केसी, सोमपाल कामी, विक्रम सोब, किशोर महतो र सागर ढकाल ।

सिरिजको लागि अमेरिकाले पनि मोनाक पटेल कप्तानीमा टिमको घोषणा गरिसकेको छ।

अमेरिका टोलि :

मोनाक पटेल ( कप्तान ) , आरोन जोन्स ( उपकप्तान ) , अलि खान, क्यामरन स्टेभेनसन, गजानन्द सिंह, जस्करन मलहोत्रा, निसर्ग पटेल, नोस्ठुस केंजिगे, राहुल जरिवाला, रस्टि थेरोन, सौरभ नेत्रभाल्कर, स्टेभेन टेलर, सुशान्त मोदानी, यासिर मोहम्मद

आईसीसी विश्वकप लिग-२ को अंकतालिका